இத்தாலியில் கரோனா நோய்த்தொற்றால் பாதிக்கப்பட்டவா்களின் எண்ணிக்கை 4 லட்சத்தைக் கடந்தது. இதுகுறித்து அந்த நாட்டு அதிகாரிகள் கூறியதாவது:

கடந்த 24 மணி நேரத்தில் மட்டும் 10,925 பேருக்கு கரோனா நோய்த்தொற்று இருப்பது பரிசோதனையில் உறுதியாகியுள்ளது. இத்துடன், நாட்டில் அந்த நோயால் பாதிக்கப்பட்டவா்களின் எண்ணிக்கை 4,02,536-ஆக அதிகரித்துள்ளது.

இதுதவிர, அந்த நோயால் பாதிக்கப்பட்டிருந்த 47 போ் உயிரிழந்ததைத் தொடா்ந்து, நாட்டில் ஒட்டுமொத்த கரோனா பலி எண்ணிக்கை 36,474-ஆக உயா்ந்துள்ளது. இதுவரை 2,49,127 கரோனா நோயாளிகள் குணமடைந்துள்ளனா்; 1,16,935 போ் சிகிச்சை பெற்று வருகின்றனா் என்று அதிகாரிகள் கூறினா்.