கடலில் இருந்து கிடைக்கும் உப்பு ஒரு வகை. இதுதவிர, பல வகைகளிலும் உப்பு தயாரிக்கப்படுகிறது.
தரை உப்புகள்:
வட இந்தியாவில் பல பகுதிகளிலும், உலகின் பல்வேறு நாடுகளிலும் சுரங்கம் அமைத்து உப்பை வெட்டி எடுத்து சேகரிப்பதாகும்.
கிணற்று உப்புகள்:
சில இடங்களில் உப்பு நீர்க் கிணறுகள் தோண்டி உப்பைத் தயாரிக்கின்றனர். அமெரிக்கா, ஆஸ்திரேலியா , ஜெர்மனி போன்ற நாடுகளில் இத்தகைய உப்புநீர் கிணறு முறையில் உப்பு தயாரிக்கப்படுகிறது.
ஏரி உப்புகள்:
சில நாடுகளில் ஏரிகளில் இருந்தும் உப்பு எடுக்கப்படுகிறது.
ஹிமாலயன் உப்பு:
இந்த வகை உப்பு இளஞ்சிவப்பு இந்துப்புப் பாறை போலவும், படிகங்களாகவும், புவியின் மேற்பரப்பிலும், அதற்கடியிலும் உள்ளது. இந்தியாவில் ஹிமாச்சலப் பிரதேசத்தில் மண்டி என்ற இடத்தில் இந்துப்பு கிடைக்கிறது. இதையே சிறந்த உப்பாக ஆயுர்வேத நூல்கள் கூறுகின்றன.
ஆழ்துளை கிணற்றில் உப்பு:
ராஜஸ்தானில் ஜோத்பூர்-ஜெய்சல்மீர் செல்லும் பாதையில் பாலைவனத்தில் ஆழ்துளைக் கிணறு மூலம் உப்புநீர் வயல்களில் பாய்ச்சி, உப்பு தயாரிக்கிறார்கள்.