நீலக்குருவி வாலாட்டி - நிதம்
நீட்டி முழக்கும்
குரலைக் கேள்!
தாளக் கதியை சீராக்கி - அது
தாழப்பறக்கும்
அழகைப் பார்!
வாழைக் குருத்து சுருண்டது போல் - நல்
வாகாய் அமைந்த
உடலைப் பார்!
கோலப்புள்ளி வச்சது போல் - இரு
கொஞ்சும் சிறிய
கண்கள் பார்!
சோளக்கதிரில் உட்கார்ந்து - அது
இரையைக் கொத்தும்
நிறைவைப் பார்!
கவணில் கல்லை வைத்ததனை
அடிக்கச் சிறுவன்
முயற்சித்தான்!
அதன் அழகை, குரலைக் கேட்டுக்
கை விட்டான் முயற்சியை
ரட்சித்தான்!