இயக்குநர் பாபி கொல்லி இயக்கத்தில் தயாராகி வரும் புதிய படம் "வால்டேர் வீரய்யா'. இதில் சிரஞ்சீவி கதையின் நாயகனாக நடிக்கிறார். அண்மையில் இப்படத்தின் டைட்டிலுக்கான டீசர் வெளியாகி, மில்லியன் கணக்கிலான பார்வையாளர்களால் பார்வையிடப்பட்டு சாதனை படைத்து வருகிறது. இந்நிலையில் படத்தை பற்றிய புதிய தகவலை இசையமைப்பாளர் தேவி ஸ்ரீ பிரசாத் தன்னுடைய இணைய பக்கத்தில் பகிர்ந்திருக்கிறார். "சிரஞ்சீவி, ஊர்வசி ரெளத்லா இணைந்து கலக்கியிருக்கும் பாடலின் லிரிக்கல் வீடியோ இந்த வாரம் வெளியிடப்படும்'' என பதிவிட்டிருக்கிறார்.
-------------------------------------------
கொஞ்ச காலம் முன்பு லாபத்தில் நஷ்டமாக சிவகார்த்திகேயனுக்கு இருந்தது. இப்போது "டான்' படத்திற்குப் பிறகு அந்த நிலைமை முற்றிலும் சீராகிவிட்டது. சோனி முதன்முதலில் தயாரிக்கும் படத்தில் அவர் இடம் பெற்று விட்டார். அவரே எதிர்பார்க்காத தொகையை அட்வான்ஸாக கொடுத்ததால் சிவகார்த்திகேயன் ஆச்சரியப்பட்டார். சாய்பல்லவியோடு அவருக்கு நட்பு இருப்பதால் அவருடன் தற்போது நடன பயிற்சி பெற்று வருகிறார்.
-------------------------------------------
ரா கிரியேஷன்ஸ் மற்றும் ஃப்ரைடே பிலிம் பேக்டரி சார்பாக சிவபிரகாஷ் மற்றும் கேப்டன் எம். பி.ஆனந்த் இணைந்து தயாரித்து வரும் படம் "பாண்டிய வம்சம்'. இப்படத்தின் கதை, திரைக்கதை, எழுதி, இயக்கி நடித்துள்ளார் சிவபிரகாஷ். இதில் நாயகியாக ரக்ஷிதாமற்றும் ஆலியா ஹயாத் நடிக்கின்றனர். மனோஜ் குமார், விஜயகுமார், போஸ் வெங்கட் மற்றும் குட்டி புலி சரவணன், சக்தி உள்ளிட்டோர் நடிக்கின்றனர். கிராமத்தில் உள்ள அரசியலை மையமாக வைத்து உருவாக்கப்பட்டுள்ளது. அரசியல் மட்டுமல்லாது தமிழ் சமுதாயத்துக்குத் தேவையான சில முக்கிய விஷயங்களையும் பதிவு செய்துள்ளோம் என்கிறார் இயக்குநர்.
-------------------------------------------
முன்பு சிம்புவுக்கு இருந்த கெட்டப் பெயர் இப்போது விஷாலுக்கு ஒட்டிக்கொண்டுவிட்டது. விஷால் இப்போது நடித்து வரும் "மார்க் ஆண்டனி' படப்பிடிப்புக்கு அவர் வராமல் இழுத்தடிப்பதாகவும், இதனால் பல நாட்கள் படப்பிடிப்பு தள்ளிப்போனதால் தயாரிப்பாளருக்கு பலகோடி ரூபாய் நஷ்டம் எனவும் சொல்கிறார்கள். விஷால் மீது தயாரிப்பாளர் கவுன்சிலில் புகார் கொடுக்கவும் தயாராகி வருதாக தகவல்.