வாரத்தின் முதல் நாளான இன்று பங்குச்சந்தைகள் ஏற்றத்துடன் நிறைவடைந்துள்ளன. 

கடந்த வெள்ளிக்கிழமை 62,293.64 என்ற புள்ளிகளுடன் நிறைவுற்ற மும்பை பங்குச்சந்தை சென்செக்ஸ் இன்று(திங்கள்கிழமை) தொடக்கத்திலேயே ஏற்றம் கண்டது. 

பிற்பகல் 3.30 மணிக்கு பங்குச்சந்தை முடிவில் 211.16 புள்ளிகள் அதிகரித்து 62,504.80 புள்ளிகளில் வர்த்தகமானது. 

அதுபோல தேசிய பங்குச்சந்தை குறியீட்டெண் நிஃப்டி 50 புள்ளிகள் உயர்ந்து 18,562.75 புள்ளிகளில் முடிந்தது.

இன்றைய பங்குச்சந்தை நிலவரப்படி, ரிலையன்ஸ், நெஸ்ட்லாண்ட், ஏசியன் பெயிண்ட்ஸ், பஜாஜ் பின்செர்வ், ஐசிஐசிஐ வங்கி. ஆக்சிஸ் பேங்க், இண்டஸ்இண்ட், என்டிபிசி, விப்ரோ உள்ளிட்ட நிறுவனங்களின் பங்குகள் ஏற்றம் கண்டன. 

அதேநேரத்தில் டாடா ஸ்டீல், ஹெச்டிஎப்சி பேங்க், பாரதி ஏர்டெல், ஹெச்சிஎல் டெக், ஹெச்டிஎப்சி ஆகிய நிறுவனங்கள் இறக்கம் கண்டன.