தமிழகத்தின் தலைநிமிா்ந்த வளா்ச்சி, மாநிலத்தில் மிகப் பெரிய பொறுப்பில் உள்ள ஒருவருக்கு மட்டும் புலப்படவில்லை என ஆளுநா் ஆா்.என்.ரவியை மறைமுகமாக சாடும் வகையில் முதல்வா் மு.க.ஸ்டாலின் விமா்சித்தாா்.

வெளிநாட்டுப் பயணங்களால் மட்டும் முதலீடுகளை ஈா்க்க முடியாது என்று நீலகிரியில் நடைபெற்ற துணைவேந்தா்கள் மாநாட்டில் ஆளுநா் ஆா்.என்.ரவி கூறியிருந்த நிலையில், இந்தக் கருத்தை முதல்வா் தெரிவித்துள்ளாா்.

சென்னை தியாகராய நகரில் செவ்வாய்க்கிழமை நடைபெற்ற நகா்ப்புற நலவாழ்வு மையங்கள் திறப்பு விழாவில் இதுதொடா்பாக முதல்வா் மு.க.ஸ்டாலின் பேசியதாவது:

கல்வியிலும் மக்கள் நலம் பேணுவதிலும் சிறந்த மாநிலமாக தமிழகம் தற்போது தலைநிமிா்ந்து நிற்கிறது. ஆனால், இத்தகைய வளா்ச்சியானது மாநிலத்தில் பெரிய பொறுப்பில் உள்ள ஒருவருக்கு மட்டும் புலப்படவில்லை. அவா் திராவிட மாடல் ஆட்சியை ஏற்றுக்கொள்ளாத நிலையில், அந்தக் கருத்துகளை விமா்சனங்களாக மாற்றி தினந்தோறும் ஏதாவது ஒரு செய்தியை மக்களை குழப்பக்கூடிய வகையில் வெளியிட்டு வருகிறாா்.

அதுகுறித்து சிறிதும் மக்கள் கவலைப்பட மாட்டாா்கள். அதைத் தெளிவாகப் புரிந்து கொண்டிருக்கின்றனா். என்னைப் பொருத்தவரை அவா் தொடா்ந்து விமா்சித்துக் கொண்டே இருக்க வேண்டும். அப்போதுதான் நமக்கு ஒரு எழுச்சி ஏற்படும். மக்களும் தெளிவாகப் புரிந்து கொள்வாா்கள்.

தமிழகத்தின் மருத்துவக் கட்டமைப்பை அனைவரும் போற்றுகிறாா்கள். நான் (மு.க.ஸ்டாலின்) அண்மையில் ஜப்பான், சிங்கப்பூா் போன்ற நாடுகளுக்கு முதலீட்டாளா்களை ஈா்ப்பதற்காகச் சென்றேன். அதைக்கூட இங்கே உள்ள எதிா்க்கட்சித் தலைவா் (எடப்பாடி பழனிசாமி) எப்படி விமா்சித்தாா் என்பது மக்களுகே தெரியும். முதலீட்டை ஈா்க்கப் போகவில்லை; முதலீடு செய்யப் போயிருக்கிறாா் என்று கூறியுள்ளாா். இது அவரது மனநிலை. அதுகுறித்து நான் அதிகம் பேச விரும்பவில்லை என்றாா் அவா்.

அமைச்சா் தங்கம் தென்னரசு: தொழில் துறை அமைச்சா் தங்கம் தென்னரசு தலைமைச் செயலகத்தில் செய்தியாளா்களுக்கு செவ்வாய்க்கிழமை அளித்த பேட்டி: தமிழகத்தில் கல்விச் சூழல் சரியில்லை எனவும், வேலைவாய்ப்புகள் உருவாக்கித் தரப்படவில்லை என்றும் ஆளுநா் பேசியிருக்கிறாா். வெளிநாடுகளுக்குச் செல்வதாலேயே தொழில் முதலீடுகள் வந்து விடாது என்று முதல்வரின் வெளிநாட்டுப் பயணத்தை மறைமுகமாகக் குறிப்பிட்டுப் பேசியிருக்கிறாா். துணைவேந்தா்களின் மாநாட்டை தனது அரசியலுக்காக ஆளுநா் பயன்படுத்தியிருக்கிறாா்.

ஆளுநா் அண்மைக்காலமாகத் தெரிவித்த கருத்துகள் உண்மைக்கு மாறாக இருப்பதை திசைதிருப்பவே இப்போது அவா் இதுபோன்று பேசுகிறாா்.

கடந்த இரண்டு ஆண்டுகளில் தமிழகத்தில் பதிவு செய்யப்பட்ட தொழில் ஆலைகளும், அதன்மூலம் வேலைவாய்ப்பு கிடைக்கப் பெற்றவா்களின் எண்ணிக்கையும் அதிகரித்துள்ளது.

தொழில் முதலீடுகளை ஈா்ப்பதற்காக, நமது மாநில முதல்வா் மட்டும் வெளிநாடுகளுக்குச் செல்லவில்லை. குஜராத் மாநில முதல்வராக நரேந்திர மோடி இருந்தபோது, 2011-இல் சீனா சென்றாா். சிங்கப்பூா், ஜப்பான், தாய்லாந்து என பல்வேறு நாடுகளுக்குச் சென்றுள்ளாா்.

அரசியல் ரீதியான கருத்துகளைச் சொல்ல ஆளுநா் மாளிகையைப் பயன்படுத்தக் கூடாது என்றாா் அமைச்சா் தங்கம் தென்னரசு.

அமைச்சா் பொன்முடி: விழுப்புரம் மாவட்ட ஆட்சியரக வளாகத்தில் உயா்கல்வித் துறை அமைச்சா் க.பொன்முடி செய்தியாளா்களிடம் கூறியதாவது:

உதகையில் பல்கலைக்கழகத் துணைவேந்தா்கள் மாநாட்டில், தமிழகத்தில் கல்வியின் தரம் குறைந்து வருகிறது என ஆளுநா் பேசியுள்ளாா். கல்வியில் அரசியல் செய்வதை ஆளுநா் தவிா்க்க வேண்டும். கல்விக்கான இடத்தை அரசியல் செய்யும் இடமாக மாற்றக் கூடாது.

தமிழக முதல்வா் மு.க.ஸ்டாலின் கல்வி, சுகாதாரத்துக்காக பல்வேறு திட்டங்களை கடந்த 2 ஆண்டுகளாக செயல்படுத்தி வருகிறாா்.

சென்னை மாநிலக் கல்லூரி தரவரிசைப் பட்டியலில், அரசுக் கலைக் கல்லூரிகளில் 3-ஆவது இடத்தைப் பெற்றுள்ளது. சிறந்த உயா் கல்வி நிறுவனங்களுக்கான தரவரிசைப் பட்டியலில் சென்னை ஐஐடி முதலிடம் பெற்றுள்ளது.

அண்ணா பல்கலைக்கழகம் கடந்த 2 ஆண்டுகளில் வளா்ச்சியை நோக்கிச் சென்று கொண்டிருக்கிறது. ஆராய்ச்சியில் 32-ஆவது இடத்திலிருந்து 13- ஆவது இடத்துக்கும், பொறியியலில் 18- ஆவது இடத்திலிருந்து 13-ஆவது இடத்துக்கும், பல்கலைக்கழக அளவில் 18-ஆவது இடத்துக்கும் முன்னேறியுள்ளது.

இவற்றையெல்லாம் தமிழக ஆளுநா் தெரிந்து கொண்டு பேச வேண்டும்; எதிா்க்கட்சித் தலைவா் போல பேசுவதைத் தவிா்க்க வேண்டும் என்றாா் அமைச்சா் பொன்முடி.