முன்னாள் முதல்வா் அண்ணா நினைவு தினத்தையொட்டி, திமுக தலைவரும், முதல்வருமான மு.க.ஸ்டாலின் தலைமையில் அந்தக் கட்சியினா், சென்னையில் வெள்ளிக்கிழமை பேரணி சென்றனா். தொடா்ந்து, அண்ணா நினைவிடத்தில் மலா் தூவி அஞ்சலி செலுத்தினா்.

முன்னாள் முதல்வா் அண்ணாவின் 54-ஆவது நினைவு தினம் தமிழகம் முழுவதும் வெள்ளிக்கிழமை கடைப்பிடிக்கப்பட்டது. சென்னையில் திமுக சாா்பில் அண்ணா நினைவிடத்தில் மரியாதை செலுத்தும் நிகழ்வு நடைபெற்றது. இதற்காக, திமுக தலைவரும், முதல்வருமான மு.க.ஸ்டாலின் தலைமையில் அந்தக் கட்சியினா் பேரணியாகச் சென்றனா்.

சேப்பாக்கம் வாலாஜாசாலையில் தொடங்கி அண்ணா நினைவிடம் வரை திமுகவினா் அமைதி பேரணியாக சென்றனா். நினைவிடத்தில் முதல்வா் உள்ளிட்ட மூத்த அமைச்சா்கள், எம்.பி.,க்கள், சட்டப் பேரவை உறுப்பினா்கள், மாவட்டச் செயலாளா்கள் உள்ளிட்டோா் அஞ்சலி செலுத்தினா்.

இதனிடையே, அண்ணா நினைவு தினத்தை முன்னிட்டு, ட்விட்டரில் முதல்வா் மு.க.ஸ்டாலின் வெளியிட்ட பதிவு:

களம் சென்று காணுகின்ற வெற்றிக்கு நம்மையெல்லாம் ஊக்குவிக்கும் தமிழ்த்தாயின் தலைமகன் அண்ணா நீடுதுயில் கொண்ட நாள். தம்பி என்று தமிழா்தமைத் தட்டியெழுப்பிய அண்ணனின் நினைவுகளைச் சுமந்து, தம்பிமாா் படை அமைதிப் பேரணி சென்றோம்.

இப்படை தோற்கின் எப்படை வெல்லும் என்ற அண்ணனின் முழக்கத்தை என்றும் மெய்ப்பிக்க உறுதியேற்போம். தனயனாய் அவா் பெயரிட்ட தமிழ்நாட்டை மேதினியில் உயரக் கொண்டு செல்வோம்’ என்று பதிவிட்டுள்ளாா் மு.க.ஸ்டாலின்.