தமிழ்நாடு

சென்னையில் போதைப் பொருள் பறிமுதல் 50% அதிகரிப்பு: காவல் ஆணையா்

26th Jun 2022 12:26 AM

ADVERTISEMENT

சென்னையில் போதைப் பொருள் பறிமுதல் 50 சதவீதம் அதிகரித்திருப்பதாக பெருநகர காவல்துறை ஆணையா் சங்கா் ஜிவால் தெரிவித்தாா்.

சென்னையில் 68 வழக்குகளில் பறிமுதல் செய்யப்பட்ட ரூ.2 கோடி மதிப்புள்ள 1,300 கிலோ கஞ்சா, 30 கிராம் ஹெராயின், பிரவுன் சுகா் ஆகிய போதைப் பொருள்களை அழிக்க நீதிமன்றத்தில் உத்தரவு பெறப்பட்டது.

இந்த போதைப் பொருள்கள் செங்கல்பட்டு அருகே தென்மேல்பாக்கத்தில் உள்ள தனியாா் ரசாயன பொருள்கள் அழிக்கும் களத்தில் சுமாா் ஆயிரம் டிகிரி செல்ஷியஸ் வெப்பநிலையில் சனிக்கிழமை சென்னை பெருநகர காவல் ஆணையா் சங்கா் ஜிவால், இணை ஆணையா் ஆா்.வி.ரம்யா பாரதி, துணை ஆணையா் நாகஜோதி முன்னிலையில் அழிக்கப்பட்டன. இதன் பின்னா் சங்கா் ஜிவால் அளித்த பேட்டி:

சென்னையில் போதைப் பொருளை ஒழிப்பதற்கு காவல்துறை பல்வேறு நடவடிக்கை எடுத்து வருகிறது. போதைப் பொருள் பழக்கத்தை முற்றிலும் தடுக்கும் வகையில் பொதுமக்கள், பள்ளி-கல்லூரி மாணவா்களிடம் விழிப்புணா்வு ஏற்படுத்தப்படுகிறது.

ADVERTISEMENT

இந்தாண்டு ஜனவரி தொடங்கி மே மாதம் வரையிலான 5 மாத காலகட்டத்தில் போதைப் பொருள் விற்பனை, கடத்தல், பதுக்கல் தொடா்பாக 404 வழக்குகள் பதிவு செய்யப்பட்டு, 689 போ் கைது செய்யப்பட்டுள்ளனா். இவா்களிடமிருந்து 1,005 கிலோ கஞ்சா, 3 கிலோ மெத்தம்பெட்டமைன், 2 கிலோ ஆப்ட்ரின், 10 கிலோ கஞ்சா எண்ணெய், 166 போதைப் ஸ்டாம்பு, போதை மாத்திரைகள் ஆகியவை பறிமுதல் செய்யப்பட்டுள்ளன.

50 சதவீதம் அதிகரிப்பு: கடந்தாண்டு இதே காலகட்டத்தில் பறிமுதல் செய்யப்பட்டதைவிட, நிகழாண்டு 50 சதவீதம் அதிகமாக போதைப் பொருள் பறிமுதல் செய்யப்பட்டு, வழக்குகள் பதிவு செய்யப்பட்டுள்ளன. நிகழாண்டு இறுதிக்குள் இது 100 சதவீதமாக அதிகரிக்கும் என எதிா்பாா்க்கிறோம். அதேபோல நிகழாண்டு இதுவரை 489 பள்ளி, கல்லூரிகளில் சுமாா் 45 ஆயிரம் மாணவா்களை சந்தித்து போதைப் பொருள்களை பயன்படுத்துவதால் ஏற்படும் தீய விளைவுகள் குறித்து விழிப்புணா்வு ஏற்படுத்தியுள்ளோம்.

சென்னையில் தொடா்ச்சியாக போதைப் பொருள் கடத்தல், விற்பனை போன்ற செயல்களில் ஈடுபடுகிறவா்களின் சொத்துகளை முடக்குவதற்குரிய நடவடிக்கையில் ஈடுபட்டுள்ளோம். பல்வேறு வழக்குகளில் பறிமுதல் செய்யப்பட்ட மேலும் 2 ஆயிரம் கிலோ கஞ்சாவை அழிப்பதற்கு நீதிமன்றத்தில் அனுமதி பெற நடவடிக்கை எடுக்கப்படுகிறது.

தமிழகத்தில் சா்வே: சென்னைக்கு பெரும்பாலும் ஆந்திரம், திரிபுரா மாநிலங்களிலிருந்து கஞ்சா கடத்திக் கொண்டு வரப்படுகிறது. இது தொடா்பாக அந்தந்த மாநில காவல்துறைகளுக்கு கடிதம் எழுதப்படுகிறது. தமிழகத்தில் போதைப் பொருள் புழக்கத்தை கட்டுப்படுத்தும் வகையில் காவல் துறை, சுகாதாரத் துறை உள்ளிட்ட அரசின் பல்வேறு துறைகள் இணைந்து ‘சா்வே‘ செய்யவுள்ளன. இந்த சா்வேயில் கிடைக்கும் தகவலின் அடிப்படையில் போதைப் பொருளுக்கு எதிரான நடவடிக்கை எடுக்கப்படும்.

சென்னையில் போதைப் பொருள் விற்பனை செய்வோரின் பட்டியல் தயாா் செய்யப்பட்டு நடவடிக்கை எடுக்கப்படுகிறது. பள்ளி, கல்லூரி உள்ளிட்ட கல்வி நிலையங்கள் அருகே போதைப் பாக்கு விற்ாக கடந்த ஒரு வாரத்தில் 168 வழக்குகள் பதிவு செய்யப்பட்டுள்ளன. கல்வி நிலையங்கள் அருகே போதைப் பாக்கு விற்கும் கடைகள் மாநகராட்சி மூலம் சீல் வைக்கும் நடவடிக்கை எடுக்கப்படுகிறது என்றாா் அவா்.

மணல் சிற்பம்: ஜூன் 26ஆம் தேதி சா்வதேச போதை பொருள் ஒழிப்பு மற்றும் கடத்தல் தடுப்பு தினத்தை முன்னிட்டு, சென்னை பெருநகர காவல்துறை ஆணையா் சங்கா் ஜிவால், மெரீனா கடற்கரையில் காந்திசிலை பின்புறம் அமைக்கப்பட்ட போதை ஒழிப்பு விழிப்புணா்வு குறித்த மணல் சிற்பங்கள் கண்காட்சியை சனிக்கிழமை மாலை திறந்து வைத்து, போதை ஒழிப்பு விழிப்புணா்வு நிகழ்ச்சியைத் தொடங்கி வைத்தாா். போதை பொருள்கள் பயன்படுத்துவதால் ஏற்படும் தீமைகள் குறித்தும், போதை ஒழிப்பு குறித்தும் நடத்தப்பட்ட ஓவியப் போட்டிகள், சிறந்த வாசகங்கள் போட்டிகள் ஆகியவற்றில் வெற்றி பெற்ற பள்ளி மாணவ-மாணவிகளுக்கு பரிசுகள் வழங்கி, பாராட்டி பேசினாா்.

இந் நிகழ்ச்சியில் சென்னை காவல்துறையைச் சோ்ந்த உயா் அதிகாரிகள் பங்கேற்றனா்.

ADVERTISEMENT
ADVERTISEMENT