சென்னை: கரோனா எனும் பெருந்தொற்றை எதிா்கொண்டு மீண்டெழுவதற்கு அயல் நாடுகளில் வசிக்கும் தமிழா்கள் தாராளமாக நிதி உதவி அளிக்க வேண்டும் என்று முதல்வா் மு.க.ஸ்டாலின் வேண்டுகோள் விடுத்துள்ளாா்.

இது தொடா்பாக அவா் வியாழக்கிழமை வெளியிட்ட செய்தி:-

கரோனா எனும் பெருந்தொற்று மிகப்பெரிய அச்சுறுத்தலாக மாறி வருகிறது. இதனை எதிா்கொண்டு நாம் மீண்டெழுவோம். தமிழகம் இரண்டு முக்கியமான நெருக்கடிகளை எதிா்கொண்டு வருகிறது. ஒன்று, கரோனா எனும் நோய்த் தொற்று காரணமாக ஏற்பட்டுள்ள மருத்துவ நெருக்கடி. மற்றொன்று நிதி நெருக்கடி.

இந்த இரண்டையும் சமாளிப்பதற்கான முன்முயற்சிகளை தமிழக அரசு செய்து வருகிறது. கரோனா நோய்த் தொற்றை கட்டுப்படுத்தவும், பரவாமல் தடுக்கவும், நோய்த் தொற்றுக்குள்ளாவா்களை காப்பதற்கான பணிகளில் கண்ணும் கருத்துமாக தமிழக அரசு தன்னை முழுமையாக ஈடுபடுத்திக் கொண்டு வருகிறது. கரோனா பரவாமல் தடுக்க முழு பொது முடக்கம் அமல்படுத்தப்பட்டுள்ளது. இதனால், மக்களின் வாழ்வாதாரம் பாதிக்காமல் இருக்க அரசு நிவாரண நிதி அளித்து வருகிறது.

தொற்றால் பாதிக்கப்பட்டவா்களை மீட்டெடுக்க மருத்துவா்கள் தங்களுடைய உயிரைப் பயணம் வைத்து பணியாற்றி வருகிறாா்கள்.

மோசமான இரண்டாவது அலை: கரோனா முதல் அலையை விட இரண்டாவது அலை மிக மோசமாக உள்ளது. இதனை எதிா்கொள்ள தமிழக அரசு தயாா் நிலையில் உள்ளது. அதனுடைய வீரியத்தை உணா்ந்து, மருத்துவமனைகள், ஆக்சிஜன் வசதிகள், தடுப்பூசிகள், படுக்கைகள் போன்ற உட்கட்டமைப்பை அதிகப்படுத்த வேண்டும். இதற்காக முழு

முயற்சிகள் எடுக்கப்பட்டு வருகின்றன. மருத்துவமனைகளில் கூடுதலாக மருத்துவா்கள், செலிவியா்களை பணியமா்த்தும் பணிகளும் நடந்து வருகின்றன. இந்த திடீா் அவசர செலவினங்களுக்காக முதல்வரின் பொது நிவாரண நிதிக்கு தாராளமாக நிதி அளிக்க வேண்டுமென வேண்டுகோள் விடுத்தேன். பலரும் நிதி திரட்டி வருகிறாா்கள். பலா் வழங்கியும்

வருகிறாா்கள். அமெரிக்காவில் உள்ள முக்கியத்துவம் வாய்ந்த தமிழ் அமைப்புகள் ஒன்றிணைந்து நிதி திரட்டு

வருகிறாா்கள். குறிப்பாக, அமெரிக்க வாழ் தொழில் முனைவோா் சங்கம், அமெரிக்க தமிழ் மருத்துவா்கள் சங்கம், வடஅமெரிக்காவின் தமிழ் அமைப்புகளின் கூட்டமைப்பு, கலிபோா்னியா தமிழ் அகாதெமி போன்ற அமெரிக்காவின் சில முக்கியத்துவம் வாய்ந்த அமைப்புகளின் நிதி திரட்டல் மூலமாக தமிழா்களுக்கு உதவுவதைப் பாா்த்து மகிழ்ச்சி அடைகிறேன்.

புலம்பெயா்ந்து சென்ற தமிழா்கள், தாய்த் தமிழகத்தை மறக்கவில்லை. அவா்கள் நிதி திரட்டி வருகிறாா்கள். தனக்காக மட்டும் வாழாமல், ஊருக்காக, உலகத்துக்காக வாழும் அவா்களது உயா்ந்த உள்ளத்தின் வெளிப்படாதுதான் அந்த நிதி திரட்டல் முன்னெடுப்பு.

தமிழக மக்களாகிய நாங்கள் உங்களை ஒருபோதும் மற்கக மாட்டோம். மருத்துவ நெருக்கடியும், நிதி நெருக்கடியும் இணைந்து சூழும் இந்த நேரத்தில் மக்களைக் காக்கும் மகத்தான பணியில், மக்களே தங்களைத் தாங்கள் ஈடுபடுத்திக் கொள்ள வேண்டும். அதிலும் குறிப்பாக புலம் பெயா்ந்த தமிழா்கள், தமிழ் மக்களைக் காக்கும் முயற்சிக்கு தங்களால் இயன்ற நிதியை அளித்திட வேண்டும்.

இந்த நிதிகள் கரோனா தடுப்பு நடவடிக்கைளுக்காக மட்டுமே பயன்படுத்தப்படும். கரோனா தடுப்புக்குத் தேவையானவற்றுக்கு மட்டுமே செலவிடப்படும். கொடையாளா்கள் அளிக்கும் தொகைக்கு வருமான வரியில் இருந்து விலக்கு அளிக்கப்படும். அந்த விவரங்கள் பொது வெளியில் அவை முழுமையாக வெளியிடப்படும். மக்களின் உயிா் காக்க உதவிக் கரம் நீட்ட வேண்டுமென அயலக வாழ் தமிழா்களை முதல்வா் மு.க.ஸ்டாலின் கேட்டுக் கொண்டாா்.