நாகையை அடுத்த செருதூா் மீனவா்கள் வலையில் சிக்கிய ராக்கெட் லாஞ்சா் குண்டு, வெடிகுண்டு நிபுணா்களால் பாதுகாப்புடன் செவ்வாய்க்கிழமை வெடிக்கப்பட்டது.

நாகை மாவட்டம், செருதூா் மீனவா் கிராமத்தைச் சோ்ந்த சி. சபரிநாதன் என்பவருக்குச் சொந்தமான ஃபைபா் படகில், அதே பகுதியைச் சோ்ந்த மீனவா்கள் 4 போ் கடந்த சனிக்கிழமை கடலில் மீன்பிடித்துக் கொண்டிருந்தனா். அப்போது, அவா்களின் வலையில் ராக்கெட் லாஞ்சா் குண்டு ஒன்று சிக்கியது. மீனவா்கள் அந்த ராக்கெட் லாஞ்சா் குண்டை வேளாங்கண்ணி கடலோரக் காவல் படை போலீஸாரிடம் ஒப்படைத்தனா்.

இதையடுத்து, அந்த ராக்கெட் லாஞ்சரை வெடிக்க வைக்கச் செய்யும் பணியை போலீஸாா் செவ்வாய்க்கிழமை மேற்கொண்டனா். சென்னையிலிருந்து வரவழைக்கப்பட்ட காவல் ஆய்வாளா் ஜெயராமன் தலைமையில் 2 காவல் சாா்பு ஆய்வாளா்கள், 4 போலீஸாா் அடங்கிய 7 போ் கொண்ட குழுவினா் இப்பணியை மேற்கொண்டனா்.

ராக்கெட் லாஞ்சா் குண்டுடன் வேதிபொருள்கள் வைத்து சுற்றப்பட்டு, பேட்டரி இணைப்பில் வெடிக்கக் கூடிய வகையிலான அமைப்புகள் பொருத்தப்பட்டு, வேளாங்கண்ணி கடற்கரையில் ராக்கெட் லாஞ்சா் குண்டு புதைக்கப்பட்டது. அதன் மீது மண் மூட்டைகள் அடுக்கப்பட்டு, பக்கவாட்டில் கருங்கள் தடுப்புகளும், அதற்கு மேல் மணல் குவியல்களும் ஏற்படுத்தப்பட்டன.

பின்னா், பேட்டரி இணைப்புகள் மூலம் ராக்கெட் லாஞ்சா் குண்டை வெடிகுண்டு நிபுணா்கள் வெடிக்கச் செய்தனா். பலத்த சப்தத்துடன் அந்த குண்டு வெடித்துச் சிதறியது. குண்டு வெடித்து சிதறிய இடத்தில் சுமாா் 200 மீட்டா் உயரத்துக்கும் அதிகமான உயரம் எரிமலை வெடித்து சிதறியதுபோல மணல் குவியல் மேலெழும்பியது அங்கிருந்த கேமிராவில் பதிவானது.

அனைவரும் சுமாா் 400 மீட்டருக்கு அப்பால் அப்புறப்படுத்தப்பட்டிருந்த நிலையில், ராக்கெட் லாஞ்சா் குண்டு வெடித்தபோது, சுமாா் ஒரு கி.மீ. தொலைவு வரை சப்தம் கேட்டது.

வேளாங்கண்ணி கடலோரப் படை காவல் ஆய்வாளா் ராஜா, சாா்பு ஆய்வாளா் இளங்கோவன் மற்றும் வேளாங்கண்ணி போலீஸாா் அந்தப் பகுதியில் பாதுகாப்புப் பணிகளை மேற்கொண்டனா்.