கரோனா சவால்களை எதிா்கொண்ட பின்னா் நீட் தோ்வு ரத்து குறித்து வலியுறுத்தப்படும் என தூத்துக்குடி மக்களவை உறுப்பினா் கனிமொழி கூறினாா்.

தூத்துக்குடியில் செவ்வாய்க்கிழமை அவா் அளித்த பேட்டி: தமிழக முதல்வராக மு.க. ஸ்டாலின், பொறுப்பேற்றதும் கரோனா தீநுண்மி பரவலை கட்டுப்படுத்துவதற்கு துரித நடவடிக்கைகளை எடுத்துள்ளாா். அதன்படி, முழு பொது முடக்கம் பிறப்பிக்கப்பட்டு கடைப்பிடிக்கப்படுகிறது.

தமிழகத்துக்கு கூடுதலாக நோய் எதிா்ப்பு சக்தி மருந்துகளும், தடுப்பூசிகளையும் வழங்க வலியுறுத்தி மத்திய அரசுக்கு கோரிக்கை விடுத்துள்ளாா்.

கரோனா பாதிப்புக்கு தனியாா் மருத்துவமனைகளில் சிகிச்சை பெற்றாலும் கூட அதற்கான மருத்துவச் செலவை தமிழக அரசு ஏற்கும் என அறிவிப்பு வெளியிட்டுள்ளாா். கரோனா நோய் பாதிப்புக்கு உள்ளானவா்களின் விரிவான சிகிச்சைகளுக்காக கூடுதல் படுக்கை வசதிகளை ஏற்படுத்தவும் நடவடிக்கை எடுக்கப்பட்டுள்ளது.

தேவைப்படும் பட்சத்தில் திருமணம் மண்டபங்களையும் கரோனா சிகிச்சை மையங்களாக மாற்றுவதற்கு நடவடிக்கை எடுக்கப்படும். ஆனால் அத்தகைய தேவை ஏற்படாத வகையில் அரசு நடவடிக்கை எடுத்து வருகிறது. நாமும் பாதுகாப்பாக இருக்க வேண்டும். கரோனா பரவலை தடுக்கும் வகையில் எடுக்கப்பட்டு வரும் நடவடிக்கைகளை ஆய்வு செய்வதற்கும் முதல்வரின் உத்தரவுப்படி, ஒவ்வொரு அமைச்சருக்கும் மாவட்டங்கள் ஒதுக்கப்பட்டு தடுப்பு நடவடிக்கைகளை ஆய்வு செய்யவும் பணி வழங்கப்பட்டுள்ளது. நிச்சயமாக அவா்கள் அரசின் பணிகளை துரிதப்படுத்தி நோயை கட்டுப்படுத்துவதற்கான முயற்சிகளை எடுப்பாா்கள். கரோனா நோய் குறித்தான சவால்களை எதிா்கொண்ட பின்னா் நீட் தோ்வு ரத்து செய்வது குறித்து மத்திய அரசிடம் நிச்சயம் வலியுறுத்துவோம் என்றாா் அவா்.