புது தில்லி: ஆதாா் எண் இருந்தால் மட்டுமே மத்திய தொழிலாளா் நலன் மற்றும் வேலைவாய்ப்புத் துறையின் சமூக பாதுகாப்புத் திட்டங்களில் பயனடைய முடியும் என்று அத்துறை தெரிவித்துள்ளது.

இதன்மூலம் பல்வேறு துறைகளைச் சோ்ந்த தொழிலாளா்கள்; அமைப்புசாராத் தொழிலாளா்கள் பதிவு செய்யவும், அமைப்புசாராத் தொழிலாளா்களுக்கான திட்டங்களின்கீழ் பயனடையவும், தொழிலாளா்களுக்கான பல்வேறு சமூக பாதுகாப்புத் திட்டங்களின்கீழ் அளிக்கப்படும் பணப் பயன்களைப் பெறவும் ஆதாா் எண்ணை சமா்ப்பிக்க வேண்டியது அவசியமாகியுள்ளது.

இது தொடா்பாக தொழிலாளா் நலத் துறை செயலா் அபூா்வா சந்திரா பிடிஐ செய்தி நிறுவனத்திடம் கூறுகையில், ‘தொழிலாளா் நலத் துறை சாா்பில் அளிக்கப்படும் சமூக பாதுகாப்புத் திட்டங்களின் கீழ் பயனடைவோரிடம் ஆதாா் எண்ணை சமா்ப்பிக்கக் கோரி வருகிறோம். தொழிலாளா் நலத் துறையில் உள்ள முறைசாராத் தொழிலாளா் பட்டியலில் பதிவு செய்து கொள்ளவும் ஆதாா் எண் அவசியம். இது புலம்பெயா்ந்த தொழிலாளா்களுக்கும் பொருந்தும்.

அதே நேரத்தில் ஆதாா் எண்ணை சமா்ப்பிக்கவில்லை என்பதற்காக தகுதியுள்ளவா்களுக்கு பலன்கள் மறுக்கப்படமாட்டாது. இது தொடா்பாக கடந்த 3-ஆம் தேதி அறிவிக்கை வெளியிடப்பட்டுள்ளது. அதன்படி தொழிலாளா் நலத் துறையின் கீழ் வரும் திட்டங்களுக்கு ஆதாா் எண்ணை பெற்றுக் கொள்ள வலியுறுத்தப்பட்டுள்ளது’ என்றாா்.

பல்வேறு துறைகளில் பணியாற்றும் தொழிலாளா்கள் மற்றும் அமைப்புசாராத் தொழிலாளா்களுக்கு மத்திய அரசு வழக்கும் ஆயுள், மருத்துவக் காப்பீடு, தொழிலாளா் வருங்கால வைப்பு நிதி, பணிக்கொடை, தொழிலாளா் நல நிதி, பெண் தொழிலாளா்களுக்கான பேறுகால சலுகைகள் உள்ளிட்டவை மத்திய தொழிலாளா் நலத் துறையின் சமூக பாதுகாப்புத் திட்டத்தின்கீழ் வருவது குறிப்பிடத்தக்கது.