தமிழ்நாடு

சென்னையில் 4,000-ஐ எட்டிய கரோனா நோயாளிகள்; முந்துகிறது தேனாம்பேட்டை

26th Mar 2021 12:30 PM

ADVERTISEMENT

 

சென்னையில் கரோனா நோயாளிகள் அதிகமிருக்கும் மண்டலங்களான தேனாம்பேட்டை, அண்ணாநகர், கோடம்பாக்கம் ஆகியவை கரோனா அபாயப் பகுதிகளாக மாறி வருகின்றன. இதில் தேனாம்பேட்டை 520 நோயாளிகளுடன் முன்னிலையில் உள்ளது.

இவற்றுக்கு சற்றும் சளைத்ததல்ல என்ற வகையில் இராயபுரம், திருவிகநகர், அம்பத்தூர் மண்டலங்களிலும் கரோனா நோயாளிகள் எண்ணிக்கை அதிகரித்து வருகிறது.

சென்னையில் கரோனா பாதிப்பு நிலவரம் குறித்து மாநகராட்சி நிர்வாகம் வெளியிட்டிருக்கும் புள்ளி விவரத்தில், வெள்ளிக்கிழமை காலை நிலவரப்படி ஒட்டுமொத்தமாகக் கரோனா பாதித்தவர்களின் எண்ணிக்கை 2,43,954 ஆக உள்ளது. இவர்களில் 2,35,654 பேர் குணமடைந்துவிட்டனர். 4,218 பேர் கரோனாவுக்கு பலியாகிவிட்டனர். தற்போது 4,082 பேர் கரோனாவுக்கு சிகிச்சை பெற்று வருகிறார்கள்.

ADVERTISEMENT

சென்னையிலுள்ள 15 மண்டலங்களில் அதிகபட்சமாக தேனாம்பேட்டையில் 520 பேரும், கோடம்பாக்கத்தில் 454 பேரும், அண்ணாநகரில் 454 பேரும் சிகிச்சை பெற்று வருகிறார்கள்.

இது தவிர, ராயபுரத்தில் 395 பேரும் திருவிகநகரில் 378 பேரும் அம்பத்தூரில் 349 பேரும் சிகிச்சையில் உள்ளனர். சுமார் மூன்று மாதங்களாக கரோனா நோயாளிகள் எண்ணிக்கை மொத்த பாதிப்பில் 1 சதவீதமாக இருந்த நிலையில் தற்போது அது 2 சதவீதமாக அதிகரித்துள்ளது.

மார்ச் மாதத்தில் கரோனா தொற்றுப் பரவல் எவ்வாறு படிப்படியாக அதிகரித்து வந்திருக்கிறது என்பதை இந்த புள்ளி விவரத்தைப் பார்த்தாலே புரியும்.

மார்ச் 24: 664
மார்ச் 24: 633
மார்ச் 23: 532
மார்ச் 22: 496
மார்ச் 21: 466
மார்ச் 20: 458 
மார்ச் 19: 421
மார்ச் 17: 395 
மார்ச் 16: 352 
மார்ச் 15: 317
மார்ச் 14: 294
மார்ச் 13: 271
மார்ச் 11: 292
மார்ச் 10: 275
மார்ச் 09: 236
மார்ச் 08: 229
மார்ச் 07: 251
மார்ச் 05: 225
மார்ச் 04: 189
மார்ச் 01: 171

தமிழகத்திலும் கரோனா பாதித்து சிகிச்சையிலிருப்போரின் எண்ணிக்கை 10,487 ஆக அதிரித்துள்ளது. நேற்று புதிதாக 1,779 பேருக்கு கரோனா உறுதி செய்யப்பட்டது.
 

ADVERTISEMENT
ADVERTISEMENT