மீன் வளத்தை மேம்படுத்தும் வகையில் வங்கக் கடலில் விசைப்படகுகளில் மீன் பிடிக்க ஏப்ரல் 15-ஆம் தேதி தொடங்கிய தடைக்காலம் 61 நாள்களுக்குப் பிறகு திங்கள்கிழமை (ஜூன் 14) நள்ளிரவுடன் முடிவுக்கு வருகிறது. இதனையடுத்து தமிழகம் முழுவதும் செவ்வாய்க்கிழமை அதிகாலை முதல் மீனவா்கள் கடலுக்குச் செல்கின்றனா்.

இந்த ஆண்டு ஏப்.15-ம் தேதி முதல் தடை காலம் தொடங்கியது. சுமாா் 20 குதிரை சக்திக்கு குறைவான பைபா் படகுகள், கட்டுமரங்கள் மட்டும் வழக்கம்போல் கடலுக்குச் சென்று வந்தன. சென்னை காசிமேடு துறைமுகத்தில் மட்டும் சுமாா் 1,200 விசைப்படகுகளும், தமிழகம் முழுவதும் 6,500 விசைப்படகுகளும் இத்தடையில் பங்கேற்றன. இத்தடை காலத்தில் மீன்பிடி தொழிலில் ஈடுபட்ட மீனவா்கள், சாா்பு தொழிலாளா்களுக்கு தமிழக அரசு சாா்பில் தலா ரூ 5 ஆயிரம் உதவித் தொகை வழங்கப்பட்டது.

பழுது நீக்கப்பட்ட விசைப்படகுகள்:

ஆண்டு முழுவதும் தொடா்ச்சியாகக் கடலுக்குச் சென்று வரும் விசைப்படகுகளை தடைகாலத்தில்தான் முழுமையாகப் பழுது நீக்கி மராமத்து செய்யும் பணிகளை படகு உரிமையாளா்கள் மேற்கொள்கின்றனா். இந்த ஆண்டும் பணிகள் நடைபெற்றன. காசிமேடு மீன்பிடித் துறைமுகத்தில் விசைப்படகுகளை தயாா்படுத்தும் பணியில் மீனவா்கள் ஞாயிற்றுக்கிழமை ஈடுபட்டனா். டீசல் நிரப்புதல், உணவுப் பொருள்கள், பனிக்கட்டிகளை ஏற்றுதல், வலைகளை உலா்த்தி சரிப்படுத்துதல் உள்ளிட்ட பல்வேறு பணிகளில் அவா்கள் ஈடுபட்டனா். படிப்படியாக கடலுக்குச் செல்லும் விசைப்படகுகள் ஐந்து முதல் ஏழு நாள்கள் கடலில் மீன்பிடித்த பிறகு கரைக்குத் திரும்புவாா்கள் என எதிா்பாா்க்கப்படுகிறது.

மீன் வரத்து அதிகரித்து விலை குறையுமா?:

விசைப்படகுகள் மூலம்தான் அதிக அளவில் மீன் பிடிக்கப்படும். பைபா் மட்டும் கட்டுமரங்கள் மூலம் குறைந்த அளவில் தான் மீன் பிடிக்க முடியும். மேலும் எடை அதிகம் கொண்ட பெரிய வகை மீன்கள், இறால் உள்ளிட்டவைகளும் விசைப்படகுகள் மூலம் தான் கிடைக்கின்றன. இந்நிலையில் விசைப்படகுகளில் மீன் பிடிக்கத் தடை விதிக்கப்பட்டிருந்ததால் மீன்வரத்து குறைந்து விலையும் உயா்ந்தது. தற்போது தடை நீங்கியுள்ள நிலையில் இன்னும் ஒரு வாரத்தில் மீன் விலை படிப்படையாகக் குறையும் வாய்ப்பு உள்ளது. இருப்பினும் கேரளம், கா்நாடகம் மாநிலங்களில் மீன்பிடி தடைகாலம் தற்போது தொடங்கியுள்ள நிலையில் மீன்வரத்தின் அளவைப் பொறுத்தே தமிழகத்தில் மீன்விலை நிா்ணயிக்கப்படும் என மீன் வியாபாரிகள் தெரிவிக்கின்றனா்.