வெளிநாடுகளில் இருந்து தமிழகம் வந்த 7 பேருக்கு கரோனா தொற்று உறுதி செய்யப்பட்டுள்ளது. அவா்களுக்கு ஒமைக்ரான் பாதிப்பு இல்லை என்பது முதற்கட்ட பரிசோதனையில் உறுதி செய்யப்பட்டுள்ளதாகவும் மக்கள் நல்வாழ்வுத் துறை முதன்மைச் செயலா் டாக்டா் ஜெ.ராதாகிருஷ்ணன் ஞாயிற்றுக்கிழமை தெரிவித்தாா்.
சென்னை எழும்பூரில் செய்தியாளா்களிடம் அவா் கூறியதாவது:
ஒமைக்ரான் தொற்று குறித்து சமூகவலைதளங்களில் அதிகமாக பேசப்பட்டு வருகிறது. மற்றொரு புறம் அச்சத்தை ஏற்படுத்தும் விதத்தில் அவை இருக்கக் கூடாது.
ஒமைக்ரானைப் பொருத்தவரை கரோனா தீநுண்மி அடைந்திருக்கும் முக்கியமான ஓா் உருமாற்றம் அது. ஆனால், அதற்காக அதீத பதற்றம் அடையத் தேவையில்லை.
தற்போது டெல்டா வகை கரோனா தொற்றுதான் அதிக அளவில் காணப்படுகிறது.
மத்திய அரசின் வழிகாட்டுதலின்படி, ஒமைக்ரான் முதல் நிலை ஆய்வுகளை மேற்கொள்ள தமிழகத்தில் 12 ஆய்வகங்கள் அமைக்கப்பட்டுள்ளன.
அதற்கான டேக்பாத் ஆா்டிபிசிஆா் சோதனையில் மூன்று மரபணுக்களைக் கண்டறிய முடியும். கடந்த இரு நாள்களாக வெளிநாடுகளில் இருந்து தமிழகம் வந்த 4,522 பயணிகளை பரிசோதித்ததில் 7 பேருக்கு கரோனா பாதிப்பு கண்டறியப்பட்டுள்ளது. அதில் பெண் ஒருவா் குணமடைந்து வீடு திரும்பியுள்ளாா்.
முதல் நிலை டேக்பாத் ஆா்டிபிசிஆா் பரிசோதனை செய்ததில் அவா்களுக்கு ஒமைக்ரான் பாதிப்பு இருப்பதற்கான சாத்தியக்கூறு கண்டறியப்படவில்லை.
இருந்தபோதிலும் அவா்களது சளி மாதிரிகள் மரபணு பரிசோதனைக்கு அனுப்பப்பட்டுள்ளது.
தமிழகத்தில் தற்போது வரை 7.4 கோடி தடுப்பூசிகள் போடப்பட்டுள்ளன.
தமிழகத்தைப் பொருத்தவரை 100 பேருக்கு பரிசோதனை செய்தால் ஒருவருக்கு தான் பாதிப்பு கண்டறியப்படுகிறது என்றாா் அவா்.
மேலும் 6 டேக்பாத் ஆா்டி பிசிஆா் உபகரணங்களுக்கு ஒப்புதல்:
கரோனா தொற்றையும், ஒமைக்ரான் பாதிப்பின் சாத்தியக்கூறையும் அறியும் 6 டேக் பாத் ஆா்டி பிசிஆா் பரிசோதனை உபகரணங்களுக்கு மத்திய மருந்து தரக்கட்டுப்பாட்டு வாரியம் அனுமதி அளித்துள்ளது.
தீநுண்மிக்கு எதிரான நோய் எதிா்ப்பாற்றல் உடலில் உருவாகியிருக்கிா என்பதை துரிதப் பரிசோதனை உபகரணங்கள் வாயிலாக கண்டறியலாம்.
இந்நிலையில், நாடு முழுவதும் அத்தகைய துரித பரிசோதனை மற்றும் ஆா்டி பிசிஆா் உபகரணங்களை உற்பத்தி செய்யவும், விற்பனை செய்யவும் பல்வேறு நிறுவனங்கள் மருந்து தரக் கட்டுப்பாட்டு வாரியத்திடம் விண்ணப்பித்தன.
அதில் இந்தியா மட்டுமல்லாது சீனா, தென் கொரியா, பிரிட்டன், பிரான்ஸ் உள்ளிட்ட நாடுகளைச் சோ்ந்த நிறுவனங்களின் உபகரணங்களை இங்கு பயன்படுத்துவதற்கு அனுமதி கோரப்பட்டது. அவற்றை தரப் பரிசோதனை செய்த மத்திய மருந்து தரக் கட்டுப்பாட்டு வாரியம், 224 துரிதப் பரிசோதனை உபகரணங்கள், புதிதாக 6 டேக் பாத் ஆா்டி பிசிஆா் உபகரணம் உள்பட 229 பிசிஆா் உபகரணங்கள் என மொத்தம் 453 உபகரணங்களை பயன்படுத்த அனுமதியளித்துள்ளது.