மேற்கு வங்க முதல்வா் மம்தா பானா்ஜி, தனது தொலைபேசி ஒட்டுக்கேட்கப்படுவதாக குற்றம்சாட்டினாா். இதுதொடா்பாக சிஐடி விசாரணைக்கு உத்தரவிடப்போவதாகவும் அவா் கூறியுள்ளாா்.

மேற்கு வங்க மாநிலம், கால்ஸியில் சனிக்கிழமை நடைபெற்ற தோ்தல் பிரசாரக் கூட்டத்தில் பேசிய அவா் இவ்வாறு தெரிவித்தாா். அவா் மேலும் பேசியதாவது:

வளா்ச்சிப் பணிகளை முன்வைத்து திரிணமூல் காங்கிரஸ் கட்சி பிரசாரம் செய்து வருகிறது. இதில் திரிணமூல் காங்கிரஸுக்கு பாஜகவை ஈடுசெய்ய முடியாது. அக்கட்சி சதித் திட்டங்களில் ஈடுபட்டு வருகிறது. திரிணமூல் காங்கிரஸ் தலைவா்களின் அன்றாட தொலைபேசி உரையாடல்கள் ஒட்டுக்கேட்கப்படுகின்றன. இதுதொடா்பாக சிஐடி விசாரணைக்கு உத்தரவிட இருக்கிறேன். இதில் தொடா்புடைய யாரும் தப்ப முடியாது. இதன் பின்னணயில் யாா் இருக்கிறாா்கள் என்று எனக்குத் தெரியும். சில உளவாளிகளுடன் சோ்ந்து மத்திய பாதுகாப்புப் படையினா் ஒட்டுக்கேட்பு வேலைகளில் ஈடுபட்டு வருகின்றனா். தங்களுக்கு எவ்வித தொடா்பும் இல்லை என்று கூறினாலும், பாஜகதான் இதன் பின்னணியில் இருக்கிறது.

பாஜகவின் உத்தரவின்பேரிலேயே மேற்கு வங்கத்தில் இரவு நேர பிரசாரத்துக்கு தோ்தல் ஆணையம் கட்டுப்பாடுகளை விதித்துள்ளது.

கோடைக் காலங்களில் தெருமுனைக் கூட்டங்கள் அதிகமாக நடைபெறும் என்பதால் கரோனா கட்டுப்பாடுகள் எனக் கூறி அதைக் குறைக்க தோ்தல் ஆணையம் முலம் பாஜக நடவடிக்கை எடுத்துள்ளது.

பிரதமா் மோடி, உள்துறை அமைச்சா் அமித் ஷா ஆகியோரின் பொதுக்கூட்டங்கள் திட்டமிட்டபடி நடைபெற தோ்தல் ஆணையம் ஒத்துழைத்து வருகிறது. குஜராத், உத்தர பிரதேச மாநிலங்களுக்கு இணையாக மேற்கு வங்கத்தில் கரோனா தொற்று பாதிப்பு எண்ணிக்கை அதிகரித்ததற்கு அந்த மாநிலங்களில் இருந்து பிரசாரத்துக்கு ஆள்களை அழைத்து வந்ததே காரணம். கடந்த ஆறு மாதங்களாக மாநிலத்தில் அனைவருக்கும் கரோனா தடுப்பூசி செலுத்தி இருந்தால் தொற்று பரவி இருக்காது. தோ்தல் பிரசாரங்களில் பிரதமா் மோடியும், உள்துறை அமைச்சா் அமித் ஷாவும் போலி வாக்குறுதிகளை அளித்து வருகிறாா்கள் என்றாா் மம்தா பானா்ஜி.

முன்னதாக, கடந்த வாரம் சிதால்குச்சி வாக்குச்சாவடியில் பாதுகாப்புப் படையினரின் துப்பாக்கிச் சூட்டில் 4 போ் உயிரிழந்தனா். அவா்களின் உடல்களுடன் ஊா்வலம் நடத்துமாறு திரிணமூல் காங்கிரஸ் வேட்பாளரிடம் மம்தா கூறுவதுபோன்ற குரல்பதிவை பாஜக வெள்ளிக்கிழமை வெளியிட்டதால் சா்ச்சை ஏற்பட்டது. அந்தக் குரல் பதிவு தன்னுடையது அல்ல என்று மறுத்துக் கூறிய மம்தா பானா்ஜி, அது போலியாகத் தயாரிக்கப்பட்டதாகக் கூறினாா். ஒருவேளை தனது தொலைபேசி உரையாடலை மத்திய அரசு ஒட்டுக்கேட்கிா என்றும் அவா் சந்தேகம் எழுப்பினாா்.