சிவகங்கை மாவட்டம் இளையான்குடியில் இணைய வழியில் திமுக உறுப்பினர் சேர்க்கை முகாம் வியாழக்கிழமை நடைபெற்றது.
இளையான்குடி ஒன்றியத்தில் தடியமங்கலம், இட்டிசேரி, நாகமுகுந்தன்குடி ஆகிய இடங்களில் இணைய வழியில் திமுகவுக்கு உறுப்பினர்கள் சேர்க்கை நடந்தது. இம்முகாமுக்கு திமுக மேற்கு ஒன்றிய செயலாளர் சுப.மதியரசன் தலைமை தாங்கினார்.
பேரூர் செயலாளர் நஜூமுதீன், மாவட்ட சிறுபான்மை பிரிவு நாசர், மாவட்ட பிரதிநிதி அய்யாசாமி, அவைத் தலைவர் பெரியசாமி, பொருளாளர் குழந்தை பாண்டியன், தொண்டரணி புலிக்குட்டி,நெசவாளர் அணி முருகாணந்தம் உள்ளிட்ட நிர்வாகிகள் கலந்து கொண்டனர். முகாமில் பெண்கள் உள்பட ஏராளமானோர் இணைய வழியில் தங்களை திமுக உறுப்பினர்களாக இணைத்துக் கொண்டனர்.