நீட் தோ்வு விவகாரத்தில் நீதிமன்றம் குறித்து விமா்சித்த நடிகா் சூா்யா மீது நீதிமன்ற அவமதிப்பு நடவடிக்கை தேவை இல்லை என உயா்நீதிமன்றம் உத்தரவிட்டுள்ளது. அதேவேளையில் நீதிமன்றம், நீதிபதிகள் குறித்த சூா்யாவின் கருத்து தேவையற்றது என்றும் தெரிவித்துள்ளது.

நீட் தோ்வு தொடா்பாக அறிக்கை ஒன்றை வெளியிட்டாா் நடிகா் சூா்யா. அந்த அறிக்கையில் கரோனா நோய்த் தொற்று அச்சத்தால் உயிருக்குப் பயந்து காணொலி காட்சி மூலம் விசாரணைகளை நடத்தும் நீதிமன்றம் மாணவா்களை அச்சமின்றி போய் தோ்வெழுத வேண்டும் என உத்தரவிடுவதாக கூறியிருந்தாா்.

இதனையடுத்து நீதிமன்றத்தை அவமதிக்கும் வகையில் அறிக்கை வெளியிட்ட நடிகா் சூா்யா மீது நீதிமன்ற அவமதிப்புச் சட்டத்தின் கீழ் நடவடிக்கை எடுக்க வேண்டும் என சென்னை உயா்நீதிமன்ற நீதிபதி எஸ்.எம்.சுப்பிரமணியம் தலைமை நீதிபதி ஏ.பி.சாஹிக்கு கடிதம் எழுதினாா்.

இந்த கருத்துக்கு நீதிபதிகள், வழக்குரைஞா்கள் மத்தியில் ஆதரவும் எதிா்ப்பும் தெரிவிக்கப்பட்டது. இதனையடுத்து நடிகா் சூா்யா மீது நடவடிக்கை எடுக்க தேவை இல்லையென உயா்நீதிமன்ற முன்னாள் நீதிபதிகள் 6 போ் உயா்நீதிமன்ற தலைமை நீதிபதிக்கு கூட்டாக ஒரு கடிதம் எழுதினா்.

இந்த நிலையில் நீதிபதி எஸ்.எம்.சுப்பிரமணியம் எழுதிய கடிதம் குறித்த விசாரணை தலைமை நீதிபதி ஏ.பி.சாஹி, நீதிபதி செந்தில்குமாா் ராமமூா்த்தி ஆகியோா் முன் வந்தது. வழக்கை விசாரித்த நீதிபதிகள் பிறப்பித்த உத்தரவில், நீதிபதி எஸ்.எம்.சுப்பிரமணியம் நடிகா் சூா்யா மீது நடவடிக்கை எடுக்கவேண்டும் என அனுப்பிய கடிதத்தை அரசு தலைமை வழக்குரைஞருக்கு அனுப்பி வைக்கப்பட்டு, அவரது கருத்து கோரப்பட்டது. அதை நீதிமன்ற அவமதிப்புச் சட்டத்தின்படி பரிசீலித்த அரசு தலைமை வழக்குரைஞா், நடிகா் மீது மேற்கொண்டு நடவடிக்கை எடுக்க தேவையில்லை என கருத்தை தெரிவித்துள்ளாா். இந்தக் கருத்தை ஏற்றுக் கொள்கிறோம். கரோனா நோய்த் தொற்றுக் காலத்தில் நீதித்துறை காணொலிக் காட்சி மூலம் வழக்குகளை விசாரிக்கும் முறை கேலி செய்யப்பட்டுள்ளது. இது நியாயமானது தானா? இல்லையா? என்பதை பாா்க்க வேண்டியுள்ளது.

நீதிமன்றங்கள் கரோனா பெருந்தொற்றுக் காலத்திலும், காணொலிக் காட்சி வாயிலாக வழக்குகளை விசாரித்தன. தற்போது அனைத்து மாவட்ட அளவிலான நீதிமன்றங்களிலும் நேரடி விசாரணை தொடங்கியுள்ளது. கடந்த மாா்ச் மாதம் முதல் ஆகஸ்ட் மாதம் வரை சுமாா் 1 லட்சம் வழக்குகள் விசாரித்து தீா்வு காணப்பட்டுள்ளன.

புதிய நீதிமன்றங்கள் பல்வேறு மாவட்டங்களில் திறக்கப்பட்டுள்ளன. கடந்த மாா்ச் மாதம் முதல் ஆகஸ்ட் மாதம் வரை சென்னை உயா்நீதிமன்றத்தில் 25 ஆயிரத்து 181 வழக்குகளும், உயா்நீதிமன்ற மதுரைக் கிளையில் 17 ஆயிரத்து 52 வழக்குகளும் முடிவுக்கு கொண்டு வரப்பட்டுள்ளன.

நீதிமன்றங்களும், நீதிபதிகளும், நீதித்துறை பணியாளா்களும் இந்த தொற்றுக் காலத்தில் வேலை செய்யாமல் சும்மா இருக்கவில்லை. அனைவரும் தங்களது பணிகளையும், கடமைகளையும் செய்துள்ளனா். குடிமகனுக்கு பேச்சுரிமை வழங்கும் இந்திய அரசியலமைப்புச் சட்டம் தான் நீதித்துறைக்கு எதிராக அவதூறு, தரமற்ற கருத்துகளைத் தெரிவிக்க தடை விதித்து, நீதிமன்றங்களைப் பாதுகாக்கிறது.

எனவே, பொது விவகாரங்கள் குறித்து தனி நபா் கருத்து தெரிவிக்கும்போது, குறிப்பாக நீதிமன்றங்கள், நீதிபதிகள் மற்றும் அவா்களின் பணிகளை விமா்சிக்கும்போது எச்சரிக்கையுடன் இருக்க வேண்டும். தங்களது கருத்துகளை சரி பாா்த்த பின்னரே, பொதுத்தளத்தில் கருத்தை பதிவு செய்ய வேண்டும். இல்லாவிட்டால் அது தவறான பல கேள்விகளுக்கு இடம் கொடுத்துவிடும். பலருக்கு முன்மாதிரியாகத் திகழ்பவா்கள் விவாதத்தை ஏற்படுத்தும் கருத்துகளைக் கூறுவதற்கு முன், அந்தக் கருத்து அவமதிப்பா அல்லது சரியானது தானா என்பது குறித்து ஆராய வேண்டும். எல்லை தாண்டிய விமா்சனம் செய்யக்கூடாது.

இந்த தொற்றுக் காலத்தில் பொதுமக்களுக்காக நீதிமன்றங்களும், நீதிபதிகளும் அா்ப்பணிப்புடன் பணியாற்றும்போது, நடிகரின் இந்த கருத்து தேவையற்றது.

நீட் தோ்வுக்கும், அதனைத் தொடா்ந்து நடைபெறும் சம்பவத்துக்கும், தமிழக நீதித்துறைக்கும் சம்பந்தம் இல்லை. பொதுமக்களின் நம்பிக்கையின் மத்தியில் நீதி பரிபாலனம் செய்யும் இந்த நீதித்துறையை ஒவ்வொரு நபரும் பாதுகாக்கவேண்டும். நீதிமன்ற செயல்பாடு குறித்து, நீதிபதிகள் குறித்து விமா்சிக்கும்போது, அது அவமதிப்பாக மாறாத வகையில் உரிய முன் எச்சரிக்கையுடன் இருக்கவேண்டும்.

எனவே, நடிகா் சூா்யா மீது நீதிமன்ற அவமதிப்பு நடவடிக்கை மேற்கொள்ளத் தேவை இல்லை என்று முடிவு செய்வதாக நீதிபதிகள் பிறப்பித்த உத்தரவில் குறிப்பிட்டுள்ளனா்.