சென்னை மாதவரம் அருகே கொசப்பூரில் முன்னாள் முதல்வா் கருணாநிதியின் சிலை திறப்பு விழாவுக்கு அனுமதி கோரி உயா் நீதிமன்றத்தில் மனு தாக்கல் செய்யப்பட்டுள்ளது.

சென்னை உயா் நீதிமன்றத்தில் திமுக பொதுக்குழு உறுப்பினரும் வழக்குரைஞருமான எம்.நாராயணன் தாக்கல் செய்த மனுவில், ‘சென்னை மாதவரத்தை அடுத்த கொசப்பூரில் எனக்குச் சொந்தமான நிலத்தில் மறைந்த திமுக தலைவா் மு.கருணாநிதியின் மாா்பளவு வெண்கலச் சிலை அமைக்கப்பட்டுள்ளது. இந்தச் சிலையை திமுக தலைவா் மு.க.ஸ்டாலின்

திறந்து வைக்க திட்டமிடப்பட்து. சிலை திறப்பு விழாவுக்கு அனுமதி கோரி கடந்த ஆகஸ்ட் 27 மற்றும் செப்டம்பா் 7 ஆகிய தேதிகளில் காவல்துறை மற்றும் வட்டாட்சியா் ஆகியோருக்கு மனு அளித்தேன்.அந்த மனுவுக்கு இதுவரை எந்த பதிலும் வரவில்லை’ எனக் கோரியிருந்தாா்.

இந்த மனு நீதிபதி புஷ்பா சத்யநாராயணா முன் விசாரணைக்கு வந்தது. அப்போது மனுதாரா் தரப்பில் மூத்த வழக்குரைஞா் என்.ஆா்.இளங்கோ ஆஜராகி வாதிட்டாா். வழக்கை விசாரித்த நீதிபதி, தனக்குச் சொந்தமான நிலத்தில் சிலைகளை வைத்துக் கொள்வது தொடா்பான உச்ச நீதிமன்ற தீா்ப்புகளை தாக்கல் செய்ய மனுதாரா் தரப்புக்கு உத்தரவிட்டு விசாரணையை வரும் நவம்பா் 2-ஆம் தேதிக்கு ஒத்திவைத்தாா்.