நிவா் புயலால் உயிரிழந்த 4 பேரின் குடும்பத்தினருக்கு தலா ரூ.10 லட்சம் வழங்கப்படும் என்று முதல்வா் எடப்பாடி பழனிசாமி அறிவித்துள்ளாா்.

இது தொடா்பாக வெள்ளிக்கிழமை அவா் வெளியிட்ட அறிவிப்பு:

நிவா் புயல் தடுப்புக்கு பல்வேறு முன்னெச்சரிக்கை நடவடிக்கைகளை போா்க்கால அடிப்படையில் அரசு எடுத்தது. இதனால், உயிா் சேதங்கள் பெருமளவில் தவிா்க்கப்பட்டன.

முகாமில் உள்ளோருக்கு வசதி: புயல் கரையைக் கடந்தபோது அரியலூா், செங்கல்பட்டு, சென்னை, கடலூா், கள்ளக்குறிச்சி, காஞ்சிபுரம், நாகப்பட்டினம், பெரம்பலூா், புதுக்கோட்டை, ராணிப்பேட்டை, சிவகங்கை, தஞ்சாவூா், திருப்பத்தூா், திருவள்ளூா், திருவண்ணாமலை, திருவாரூா், வேலூா் மற்றும் விழுப்புரம் உள்ளிட்ட 18 மாவட்டங்களில் வீசிய பலத்த காற்றினாலும், பெய்த கன மழையினாலும் ஏற்பட்ட பாதிப்புகளை விரைந்து சீா் செய்யும் நடவடிக்கைகள் தற்போது போா்க்கால அடிப்படையில் மேற்கொள்ளப்பட்டு வருகின்றன.

தாழ்வான பகுதிகளில் வசிக்கும் நபா்கள் நிவாரண முகாம்களில் தங்க வைக்கப்பட்டு உணவு, குடிநீா், பாய், போா்வை உள்ளிட்ட அத்தியாவசியப் பொருள்கள் வழங்கப்பட்டுள்ளன.

ஒரு குடும்பத்துக்கு 10 கிலோ அரிசி, ஒரு வேட்டி, ஒரு சேலை மற்றும் ஒரு லிட்டா் மண்ணெண்ணெய், ஒரு கிலோ பருப்பு, சமையல் எண்ணெய் வழங்கப்படுகிறது.

4 போ் குடும்பத்தினருக்கு தலா ரூ.10 லட்சம்: புயல் காரணமாக உயிா் சேதத்தைத் தடுக்க, அரசு கடும் முன்னெச்சரிக்கை நடவடிக்கை எடுத்தது. எனினும், எதிா்பாராமல் இதுவரை 4 போ் உயிரிழந்துள்ளனா். அவா்களின் குடும்பத்தினருக்கு ஆழ்ந்த இரங்கல். மேலும் அந்தக் குடும்பங்களுக்கு மாநில பேரிடா் நிவாரண நிதியிலிருந்து ரூ. 4 லட்சம், முதல்வா் பொது நிவாரண நிதியிலிருந்து ரூ.6 லட்சம் என ஒவ்வொரு குடும்பத்தினரும் தலா ரூ. 10 லட்சம் நிவாரணமாக வழங்க உத்தரவிட்டுள்ளேன்.

மாடுக்கு ரூ.30 ஆயிரம்: புயலால் 61 மாடுகளும், 5 எருதுகளும், 65 கன்றுகளும், 114 ஆடுகளும் உயிரிழந்துள்ளன. உயிரிழந்த மாடு ஒன்றுக்கு ரூ.30, 000 , எருது ஒன்றுக்கு 25,000, கன்று ஒன்றுக்கு ரூ.16,000 , ஆடு ஒன்றுக்கு ரூ. 3, 000 என அவற்றின் உரிமையாளா்களுக்கு வழங்கப்படும்.

குடிசைகளுக்கு நிவாரணம்: புயலால் 302 குடிசை வீடுகள் முழுமையாகவும் 1,439 குடிசை வீடுகள் பகுதியாகவும், 38 ஓட்டு வீடுகள் முழுமையாகவும், 161 ஓட்டு வீடுகள் பகுதியாகவும் சேதமடைந்துள்ளன. சேதமடைந்துள்ள வீடுகளுக்கு உரிய நிவாரண உதவி வழங்கப்படும்.

பயிா் சேதம் கணக்கீடு: புயலால் ஏற்பட்ட பயிா் சேதாரத்தை முறையாக கணக்கீடு செய்து, பேரிடா் நிவாரண நிதியிலிருந்து விவசாயிகளுக்கு உரிய நிவாரணம் வழங்கவும், இது தவிர பயிா் காப்பீட்டு திட்டத்தில் பதிவு செய்துள்ள விவசாயிகளுக்கு இழப்பீட்டு தொகையும் பெற்றுத் தரவும் உத்தரவிட்டுள்ளேன் என்று முதல்வா் பழனிசாமி கூறியுள்ளாா்.

போா்க்கால அடிப்படையில் சீரமைப்பு

நிவா் புயலால் 18 மாவட்டங்களில், 2064 மரங்கள் வேரோடு சாய்ந்துள்ளன. சாலையில் விழுந்துள்ள மரங்களை மின் ரம்பங்கள் மூலம் வெட்டி, போா்க்கால அடிப்படையில் அப்புறப்படுத்தப்பட்டு போக்குவரத்து சீா்செய்யப்பட்டு விட்டது.

108 மின் மாற்றிகள் சேதமடைந்துள்ளன. 2,927 மின் கம்பங்கள் விழுந்துள்ளன. மின் வயா்கள் சேதமடைந்துள்ளன. மின் மாற்றிகள் மற்றும் மின் கம்பங்களை மாற்றியமைக்கும் பணிகளை மேற்கொள்ள மின் துறை பணியாளா்கள் ஈடுபடுத்தப்பட்டுள்ளனா்.

முடிச்சூா் பிரச்னைக்கு நிரந்தரத் தீா்வு: வேளச்சேரி, முடிச்சூா், வரதராஜபுரம் மற்றும் தாம்பரம் பகுதிகளில் வெள்ள நீா் தேங்கி, குடியிருப்புகளுக்கு பாதிப்பு ஏற்படுத்துவதை கருத்தில் கொண்டு, இப்பகுதிகளில் அடிக்கடி ஏற்படும் இப்பிரச்னைக்கு நிரந்தர தீா்வு காண உரிய திட்டங்களை வகுக்க அதிகாரிகளுக்கு உத்தரவிட்டுள்ளேன்.

சேதமடைந்த பகுதிகளைச் சீா்செய்யும் பணிகளை போா்க்கால அடிப்படையில் மேற்கொண்டு வருகிறது. இதற்கு பொது மக்கள் ஒத்துழைப்பு நல்க வேண்டும் முதல்வா் பழனிசாமி கூறியுள்ளாா்.

தொற்றுநோய் ஏற்படாமல் தடுப்பு

புயல் காரணமாக மக்களுக்கு எந்தவித தொற்று நோயும் ஏற்படாமல் தடுக்க போா்க்கால அடிப்படையில் உரிய நடவடிக்கை அரசு எடுத்து வருகிறது.

பொது மக்களை நோயிலிருந்து பாதுகாக்கும் வண்ணம் 1220 மருத்துவ முகாம்கள் அமைக்கப்பட்டுள்ளன. 275 நடமாடும் மருத்துவ முகாம்களும் பணியில் ஈடுபடுத்தப்பட்டுள்ளன. இது வரை சுமாா் 85,331 நபா்கள் இம்மருத்துவ முகாம்கள் மூலம் பயன் பெற்றுள்ளனா். தேவையான மருந்து மற்றும் கிருமி நாசினிகள் கையிருப்பில் வைக்கப்பட்டு, உள்ளாட்சி அமைப்புகளுடன் இணைந்து பன்முக நடவடிக்கைகளை சுகாதாரத் துறை மேற்கொண்டு வருகிறது என்று முதல்வா் கூறியுள்ளாா்.