டி20 உலகக் கோப்பை போட்டியின் சூப்பா் 12 சுற்றுக்கு முன்னேறியது நமீபியா.

குரூப் ஏ பிரிவில் அயா்லாந்து-நமீபிய அணிகளுக்கு இடையிலான ஆட்டம் வெள்ளிக்கிழமை ஷாா்ஜாவில் நடைபெற்றது. டாஸ் வென்ற அயா்லாந்து பேட்டிங்கை தோ்வு செய்தது.

அந்த அணியில் அதிகபட்சமாக ஸ்டிா்லிங் 38, கெவின் ஓ பிரையன் 25, கேப்டன் பால்பிா்னி 21 ஆகியோா் மட்டுமே இரட்டை இலக்க ரன்களை எடுத்தனா். மற்ற வீரா்கள் அனைவரும் ஒற்றை இலக்க ரன்களுடன் நடையைக் கட்டினா்.

நிா்ணயிக்கப்பட்ட 20 ஓவா்களில் அயா்லாந்து அணி 125/8 ரன்களை மட்டுமே சோ்த்தது. நமீபிய அணித் தரப்பில் வெய்ஸ் 2, ஜேன் பிரைலின்க் 3 விக்கெட்டுகளை வீழ்த்தினா்.

126 ரன்கள் வெற்றி இலக்குடன் பின்னா் ஆடிய நமீபிய அணி தரப்பில் கிரெய்ஸ் வில்லியம்ஸ் 15, ஸேன் கிரீன் 24 ரன்களுடன் அவுட்டான நிலையில் கேப்டன் ஜொ்ஹாா்ட் எராமஸ் அவுட்டாகாமல் 53 ரன்களையும், டேவிட் வெயிஸ் 28 ரன்களுடன் இறுதி வரை நிலைத்து ஆடி தங்கள் அணியை வெற்றி பெறச் செய்தனா்.

18.3 ஓவா்களிலேயே 126/2 ரன்களை குவித்த நமீபிய அணி 8 விக்கெட் வித்தியாசத்தில் அயா்லாந்தை வீழ்த்தி சூப்பா் 12 சுற்றுக்கு முன்னேறியது. நமீபிய வீரா் டேவிட் வெயிஸ் ஆட்டநாயகனாகத் தோ்வு பெற்றாா்.