பிரெஞ்சு ஓபன் கிராண்ட்ஸ்லாம் டென்னிஸ் போட்டியில், உலகின் 2-ஆம் நிலை வீராங்கனையான பெலாரஸின் அரினா சபலென்கா அரையிறுதியில் வியாழக்கிழமை அதிா்ச்சித் தோல்வி கண்டாா்.

மகளிா் ஒற்றையா் பிரிவின் அந்தச் சுற்றில் அவரை, 7-6 (7/5), 6-7 (5/7), 7-5 என்ற செட்களில் சாய்த்த செக் குடியரசின் கரோலினா முசோவா இறுதிச்சுற்றுக்கு முதல் வீராங்கனையாக முன்னேறினாா். இந்த ஆட்டம் 3 மணி நேரம் 13 நிமிஷங்களில் முடிவுக்கு வந்தது. உலகின் 43-ஆம் நிலை வீராங்கனையாக இருக்கும் முசோவாவுக்கு இது முதல் கிராண்ட்ஸ்லாம் இறுதிச்சுற்றாகும்.

அதில் அவா், உலகின் நம்பா் 1 வீராங்கனையான போலந்தின் இகா ஸ்வியாடெக் அல்லது போட்டித்தரவரிசையில் 14-ஆவது இடத்திலிருக்கும் பிரேஸிலின் பீட்ரிஸ் ஹட்டாட் ஆகியோரில் ஒருவரை சந்திப்பாா்.

அரையிறுதியில் ரூட்: ஆடவா் ஒற்றையா் பிரிவு காலிறுதி ஆட்டம் ஒன்றில், போட்டித்தரவரிசையில் 4-ஆவது இடத்திலிருக்கும் நாா்வேயின் கேஸ்பா் ரூட் 6-1, 6-2, 3-6, 6-3 என்ற செட்களில், போட்டித்தரவரிசையில் 6-ஆம் இடத்திலிருந்த டென்மாா்க்கின் ஹோல்கா் ரூனை சாய்த்தாா்.

மற்றொரு காலிறுதியில், போட்டித்தரவரிசையில் 22-ஆம் இடத்திலிருக்கும் ஜொ்மனியின் அலெக்ஸாண்டா் ஸ்வெரெவ் 6-4, 3-6, 6-3, 6-4 என்ற செட்களில் ஆா்ஜென்டீன தகுதிச்சுற்று வீரா் தாமஸ் மாா்ட்டினை வீழ்த்தினாா். இதையடுத்து அரையிறுதி ஆட்டம் ஒன்றில் ரூட் - ஸ்வெரெவ் சந்திக்கின்றனா்.

சாம்பியன்: கலப்பு இரட்டையா் பிரிவு இறுதிச்சுற்றில், ஜப்பானின் மியு காடோ/ஜொ்மனியின் டிம் பட்ஸ் கூட்டணி 4-6, 6-4, 10-6 என்ற செட்களில் கனடாவின் பியான்கா ஆண்ட்ரிஸ்கு/நியூஸிலாந்தின் மைக்கேல் வீனஸ் இணையை சாய்த்து சாம்பியன் பட்டம் வென்றது.