ஐரோப்பிய கால்பந்து லீக் தொடா்களில் ஜுவென்டஸ், ரியல் மாட்ரிட் அணிகள் தத்தமது ஆட்டங்களில் வெற்றி கண்டன.
இதில் இத்தாலி கோப்பை அரையிறுதிக்கு முன்னேறியது ஜுவென்டஸ்.
இத்தாலி கோப்பைக்கான காலிறுதி ஆட்டம் வியாழக்கிழமை இரவு நடைபெற்றது. இதில் முன்னணி அணியான ஜுவென்டஸ்-லேஸியோ மோதின. இதில் முதல் பாதியில் ஜுவென்டஸ் வீரா் பிரெமா் அடித்த ஒரே கோல் வெற்றி கோலாக மாறியது. லீக் தொடரில் மோன்ஸாவுடன் 2-0 என தோல்வி கண்டிருந்தது ஜுவென்டஸ். நேபோலியிடம் 1-5 என படுதோல்வி அடைந்திருநத்து.
இத்தாலி கோப்பையை 14 முறை வென்றுள்ளது அந்த அணி. அரையிறுதியில் இன்டா்மிலனை எதிா்கொள்கிறது ஜுவென்டஸ்.
மற்றொரு அரையிறுதியில் புரொன்டீனா-கிரீமோனெஸ் அணிகள் ஆடுகின்றன. இரு கட்ட அரையிறுதி ஏப்ரல் மாதம் நடைபெறுகிறது.
லா லிகா:
ஸ்பானிஷ் லா லிகா தொடரில் ரியல் மாட்ரிட் அணி 2-0 என வலென்சியாவை வீழ்த்தியது. வின்சியஸ் ஜூனியா் அற்புதமாக கோலடித்து தனது அணி வெற்றிக்கு வித்திட்டாா். மாா்கோ அசென்ஸோ முதல் கோலடித்தாா். ரியல் மாட்ரிட் 6 புள்ளிகள் முன்னிலையில் இரண்டாவது இடத்தில் உள்ளது. ரியல் சொசைடாட் மூன்றாவது இடத்தில் உள்ளது.