இலங்கைக்கு எதிரான முதல் டெஸ்டில் 7 விக்கெட் வித்தியாசத்தில் வென்றுள்ளது இங்கிலாந்து.

காலேவில் நடைபெற்ற டெஸ்டில் டாஸ் வென்று பேட் செய்த இலங்கை முதல் இன்னிங்ஸில் 135 ரன்களுக்குச் சுருண்டது. அடுத்து ஆடிய இங்கிலாந்து 421 ரன்கள் குவித்தது. இதையடுத்து முதல் இன்னிங்ஸில் 286 ரன்கள் பின்தங்கிய நிலையில் 2-ஆவது இன்னிங்ஸை தொடங்கிய இலங்கை, 136.5 ஓவா்களில் 10 விக்கெட் இழப்புக்கு 359 ரன்கள் சோ்த்தது. 

4-ஆவது நாளான ஞாயிற்றுக்கிழமை முடிவில் இங்கிலாந்து அணி 15 ஓவா்களில் 3 விக்கெட் இழப்புக்கு 38 ரன்கள் எடுத்தது. ஜானி போ்ஸ்டோவ் 11, டேன் லாரன்ஸ் 7 ரன்களுடன் களத்தில் இருந்தார்கள்.

இந்நிலையில் இன்று 24.2 ஓவர்களில் 3 விக்கெட் இழப்புக்கு 76 ரன்கள் எடுத்து காலே டெஸ்டை இங்கிலாந்து  அணி வென்றது. பேர்ஸ்டோவ் 35, லாரன்ஸ் 21 ரன்களுடன் ஆட்டமிழக்காமல் இருந்தார்கள்.