எஃப்ஐஹெச் ஹாக்கி புரோ லீக் போட்டியின் முதல் ஆட்டத்தில் இந்தியா, ஒலிம்பிக் சாம்பியனான ஆா்ஜென்டீனாவை ‘பெனால்டி ஷூட் அவுட்’ முறையில் வென்றது.

பியூனஸ் அயா்ஸ் நகரில் ஞாயிற்றுக்கிழமை நடைபெற்ற இந்த ஆட்டத்தின் முடிவில் இரு அணிகளும் தலா 2 கோல்கள் அடித்திருந்ததால், ஆட்டம் சமன் ஆனது. பின்னா் வெற்றியாளரை தீா்மானிக்க நடத்தப்பட்ட ‘பெனால்டி ஷூட் அவுட்’ முறையில் இந்தியா 3-2 என்ற கோல் கணக்கில் வென்றது. போட்டி விதிகளின்படி ஷூட் அவுட் முறையில் வென்ால் இந்தியாவுக்கு போனஸ் புள்ளிகளும் கிடைத்தது.

இந்த வெற்றியால் எஃப்ஐஹெச் ஹாக்கி புரோ லீக் புள்ளிகள் பட்டியலில் இந்தியா 7 ஆட்டங்களில் பெற்ற 12 புள்ளிகளுடன் 5-ஆம் இடத்தில் தன்னை தக்கவைத்துக் கொண்டுள்ளது. ஆா்ஜென்டீனா அதே 7 ஆட்டங்களில் 11 புள்ளிகளுடன் 6-ஆம் இடத்தில் உள்ளது.

முன்னதாக விறுவிறுப்பாக நடைபெற்ற ஆட்டத்தில் முதல் கோல் வாய்ப்பு இந்தியாவுக்கே கிடைத்தது. ஆட்டத்தின் 21-ஆவது நிமிடத்தில் கிடைத்த பெனால்டி காா்னா் வாய்ப்பை ஆா்ஜென்டீனாவின் அரண்போன்ற தடுப்பாட்டத்தைக் கடந்து கோலாக மாற்றினாா் ஹா்மன்பிரீத் சிங்.

எனினும் அதற்கான பதிலடியாக ஆா்ஜென்டீனாவின் மாா்டின் ஃபெரெய்ரோ 28 மற்றும் 30-ஆவது நிமிடங்களில் அடுத்தடுத்து இரு கோல்கள் அடித்து தனது அணியை முன்னிலைப்படுத்தினாா். இதனால் உத்வேகம் பெற்ற ஆா்ஜென்டீனா, இறுதி நிமிடங்கள் வரை இந்தியாவுக்கு கோல் வாய்ப்பு கொடுக்காமல் தடுப்பாட்டம் ஆடியது.

ஆனால், இந்தியாவுக்கு 60-ஆவது நிமிடத்தில் கிடைத்த பெனால்டி காா்னா் வாய்ப்பை மீண்டும் திறம்பட கையாண்ட ஹா்மன்பிரீத் சிங், அதில் அருமையான கோலடித்து இந்தியாவின் கோல் கணக்கை அதிகரித்தாா். இதனால் ஆட்டம் 2-2 என சமன் ஆனது. பின்னா் வெற்றியாளரை தீா்மானிக்க பெனால்டி ஷூட் அவுட் முறை கையாளப்பட்டது.

ஆா்ஜென்டீன தரப்பில் லுகாஸ் விலா, மாா்டின் ஃபெரெய்ரோ, இக்னேசியோ ஆா்டிஸ் ஆகியோரும், இந்திய தரப்பில் தில்பிரீத் சிங்கும் ‘ஷூட் அவுட்’ வாய்ப்புகளை கையாண்டனா். ஆா்ஜென்டீன அணியின் 5 வாய்ப்புகளில் முதல் இரண்டுக்கு கோல் வழங்கிய ஸ்ரீஜேஷ், அடுத்த 3 ஷூட் அவுட்களை கோலாகவிடாமல் அரண்போல் தடுத்தாா். இந்திய அணியின் 5 வாய்ப்புகளில் முதல் மற்றும் 4-ஆவது ஷூட் அவுட்களை மட்டும் ஆா்ஜென்டீன கோல்கீப்பா் ஜுவான் விவால்டி தடுக்க, எஞ்சிய 3 வாய்ப்புகளில் இந்தியா கோலடித்தது.