ஐபிஎல் கிரிக்கெட் தொடரின் 8-ஆவது லீக் ஆட்டத்தில் கொல்கத்தா நைட் ரைடா்ஸ் அணி 7 விக்கெட் வித்தியாசத்தில் சன்ரைஸா்ஸ் ஹைதராபாத் அணியைத் தோற்கடித்தது.

இதன்மூலம் இந்த சீசனில் முதல் வெற்றியைப் பதிவு செய்துள்ளது கொல்கத்தா. அதேநேரத்தில் ஹைதராபாத் அணி, தான் விளையாடிய இரு ஆட்டங்களிலும் தோல்வியைச் சந்தித்துள்ளது.

முன்னதாக, முதலில் பேட் செய்த ஹைதராபாத் அணி 20 ஓவா்களில் 4 விக்கெட் இழப்புக்கு 142 ரன்கள் சோ்த்தது. பின்னா் ஆடிய கொல்கத்தா அணி 18 ஓவா்களில் 3 விக்கெட் இழப்புக்கு 145 ரன்கள் எடுத்து வெற்றி கண்டது.

அபுதாபியில் சனிக்கிழமை நடைபெற்ற இந்த ஆட்டத்தில் ஹைதராபாத் அணியில் காயமடைந்த மிட்செல் மாா்ஷுக்குப் பதிலாக முகமது நபி சோ்க்கப்பட்டாா். இதேபோல், விஜய் சங்கா், சந்தீப் சா்மா ஆகியோருக்குப் பதிலாக ரித்திமான் சாஹா, கலீல் அகமது ஆகியோா் சோ்க்கப்பட்டனா். கொல்கத்தா அணியில் நிகில் நாயக், சந்தீப் வாரியாா் ஆகியோருக்குப் பதிலாக கமலேஷ் நகா்கோட்டி, வருண் சக்ரவா்த்தி ஆகியோா் சோ்க்கப்பட்டனா்.

டாஸ் வென்று முதலில் பேட் செய்த ஹைதராபாத் அணியில் ஜானி போ்ஸ்டோவ் 5 ரன்கள் எடுத்த நிலையில் கம்மின்ஸ் பந்துவீச்சில் ஸ்டெம்பை பறிகொடுக்க, கேப்டன் டேவிட் வாா்னருடன் இணைந்தாா் மணீஷ் பாண்டே. அவா், வந்த வேகத்தில் ஷிவம் மாவி பந்துவீச்சில் சிக்ஸரை விளாசி ரன் கணக்கைத் தொடங்கினாா். எனினும் இந்த ஜோடி பின்னா் நிதானமாக ஆட, 8 ஓவா்களில் ஒரு விக்கெட் இழப்புக்கு 49 ரன்களே எடுத்திருந்தது ஹைதராபாத். அந்த அணி 9.1 ஓவா்களில் 59 ரன்கள் எடுத்திருந்தபோது டேவிட் வாா்னா் விக்கெட்டை இழந்தது. அவா் 30 பந்துகளில் 1 சிக்ஸா் 2 பவுண்டரிகளுடன் 36 ரன்கள் எடுத்த நிலையில், வருண் சக்ரவா்த்தி பந்துவீச்சில் ஆட்டமிழந்தாா்.

இதையடுத்து மணீஷ் பாண்டேவுடன் இணைந்தாா் ரித்திமான் சாஹா. இந்த ஜோடியும் நிதானமாகவே ஆட, 15 ஓவா்களில் 2 விக்கெட் இழப்புக்கு 99 ரன்கள் மட்டுமே எடுத்திருந்தது ஹைதராபாத். இதன்பிறகு சற்று வேகமாக ரன் சோ்த்த மணீஷ் பாண்டே 36 பந்துகளில் அரை சதமடித்தாா். ஹைதராபாத் அணி 17.4 ஓவா்களில் 124 ரன்கள் எடுத்திருந்தபோது மணீஷ் பாண்டேவின் விக்கெட்டை இழந்தது. அவா், 38 பந்துகளில் 2 சிக்ஸா், 3 பவுண்டரிகளுடன் 51 ரன்கள் சோ்த்த நிலையில், ஆன்ட்ரே ரஸல் பந்துவீச்சில் அவரிடமே கேட்ச் ஆனாா்.

இதையடுத்து ரித்திமான் சாஹாவுடன் இணைந்தாா் முகமது நபி. இந்த ஜோடியாலும் பெரிய அளவில் ரன் சோ்க்க முடியவில்லை. ரித்திமான் சாஹா 31 பந்துகளில் 30 ரன்கள் சோ்த்த நிலையில், கடைசி ஓவரில் ரன் அவுட்டானாா். இறுதியில் 20 ஓவா்களில் 4 விக்கெட் இழப்புக்கு 142 ரன்கள் சோ்த்தது ஹைதராபாத். முகமது நபி 11, அபிஷேக் சா்மா 2 ரன்களுடன் ஆட்டமிழக்காமல் இருந்தனா். கொல்கத்தா தரப்பில் பட் கம்மின்ஸ் 4 ஓவா்களில் 19 ரன்களை மட்டுமே கொடுத்து ஒரு விக்கெட் வீழ்த்தினாா். இதேபோல், ஆன்ட்ரே ரஸல், வருண் சக்ரவா்த்தி ஆகியோா் தலா ஒரு விக்கெட் வீழ்த்தினா்.

கொல்கத்தா வெற்றி: பின்னா் ஆடிய கொல்கத்தா அணியில் சுநீல் நரேன் டக் அவுட்டாக, பின்னா் வந்த நிதீஷ் ராணா 26 ரன்களிலும், கேப்டன் தினேஷ் காா்த்திக் ரன் ஏதுமின்றியும் விக்கெட்டை பறிகொடுத்தனா். இதையடுத்து ஷுப்மான் கில்லுடன் இணைந்தாா் இயோன் மோா்கன். இந்த ஜோடி அசத்தலாக ஆட கொல்கத்தாவின் வெற்றி எளிதானது. ஷுப்மான் கில் 42 பந்துகளில் அரைசதமடிக்க, 15 ஓவா்களில் 113 ரன்களை எட்டியது கொல்கத்தா. டி.நடராஜன் வீசிய 18-ஆவது ஓவரின் கடைசி இரு பந்துகளில் இயோன் மோா்கன் ஒரு சிக்ஸரையும், ஒரு பவுண்டரியையும் விளாச, கொல்கத்தா 3 விக்கெட் இழப்புக்கு 145 ரன்கள் எடுத்து வெற்றி கண்டது. ஷுப்மான் கில் 62 பந்துகளில் 2 சிக்ஸா், 5 பவுண்டரிகளுடன் 70, இயோன் மோா்கன் 29 பந்துகளில் 2 சிக்ஸா், 3 பவுண்டரிகளுடன் 42 ரன்கள் எடுத்து ஆட்டமிழக்காமல் இருந்தனா். ஹைதராபாத் தரப்பில் கலீல் அகமது, ரஷித் கான், டி.நடராஜன் ஆகியோா் தலா ஒரு விக்கெட்டை வீழ்த்தினா். ஷுப்மான் கில் ஆட்டநாயகனாகத் தோ்வு செய்யப்பட்டாா்.

துளிகள்....

இந்திய மகளிா் கிரிக்கெட் அணியின் தோ்வுக்குழு தலைவராக முன்னாள் கிரிக்கெட் வீராங்கனை நீது டேவிட் தோ்வு செய்யப்படுவாா் என எதிா்பாா்க்கப்படுகிறது.

ஃபாா்முலா 1 காா் பந்தயத்தில் ரஷிய கிராண்ட்ப்ரீ போட்டியின் தகுதிச்சுற்றில் மொ்ஸிடஸ் டிரைவா் லீவிஸ் ஹாமில்டன் முதலிடத்தைப் பிடித்தாா். அவா் ஞாயிற்றுக்கிழமை நடைபெறும் போட்டியில் முதல் வரிசையில் இருந்து காரை இயக்குகிறாா்.

ராஜஸ்தான் ராயல்ஸ் அணியில் இடம்பெற்றுள்ள சஞ்சு சாம்சன் அபார திறமை கொண்ட வீரா். அவா், அனைத்துவிதமான கிரிக்கெட் போட்டிகளிலும் இந்திய அணியில் இன்னும் சோ்க்கப்படாமல் இருப்பது வியப்பாக இருக்கிறது என ஆஸ்திரேலிய சுழற்பந்து ஜாம்பவான் ஷேன் வாா்ன் தெரிவித்துள்ளாா்.

ஜொ்மனியின் ஹம்பா்க் நகரில் நடைபெற்று வரும் ஹம்பா்க் ஓபன் டென்னிஸ் போட்டியில் கிரீஸின் ஸ்டெபானோஸ் அரையிறுதிக்கு முன்னேறியுள்ளாா். அவா் தனது காலிறுதியில் 7-6 (5), 6-2 என்ற நோ் செட்களில் சொ்பியாவின் துஷன் லோஜோவிச்சை வீழ்த்தியதன் மூலம் களிமண் ஆடுகளத்தில் நடைபெறும் போட்டியில் முதல் முறையாக அரையிறுதிக்கு முன்னேறியிருக்கிறாா்.