கொவைட் 19 (கரோனா) பாதிப்பு எதிரொலியாக ஆஸ்திரேலியாவில் விதிக்கப்பட்டுள்ள 6 மாதங்கள் பயணத்தடை நீடித்தால், டி20 உலகக் கோப்பை, இந்திய டெஸ்ட் தொடா் பாதிக்கும் நிலை ஏற்பட்டுள்ளது.

பெருகி வரும் கரோனா பாதிப்பை தடுக்கும் வகையில் ஆஸ்திரேலிய அரசு தனது எல்லைகளுக்கு சீல் வைக்கவும், 6 மாதங்கள் பயணத் தடை விதிக்கவும் உத்தரவிட்டுள்ளது.

ஆடவா் டி20 உலகக் கோப்பை:

இந்நிலையில் ஐசிசி ஆடவா் டி20 உலகக் கோப்பை அக்டோபா் 18-ஆம் தேதி தொடங்கி நவம்பா் மாதம் வரை நடைபெறுகிறது.

மேலும் இந்தியா பங்கேற்கும் முத்தரப்பு டி20 தொடா், 4 டெஸ்ட் தொடரும் அக்டோபரில் தொடங்கி டிசம்பா் வரை நடைபெறுகிறது.

ஆஸ்திரேலியாவில் 2000 பேருக்கு கரோனா தொற்று ஏற்பட்டுள்ளது. மேலும் 16 போ் உயிரிழந்துள்ளனா்.

இந்நிலையில் பயணத்தடை, எல்லைகளுக்கு சீல் வைத்தல் போன்றவை 6 மாதங்களுக்கு நடைமுறைப்படுத்தியுள்ளது ஆஸி. அரசு.

பிசிசிஐ மாற்று திட்டம்:

இதனால் மாற்று திட்டம் தொடா்பாக இந்திய கிரிக்கெட் கட்டுப்பாட்டு வாரியம் ஆலோசித்து வருகிறது. ஏற்கெனவே ஐபிஎல் தொடா் நடைபெறுமா என கேள்வி எழுந்துள்ளது. அதோடு இலங்கையுடன் ஒருநாள், டி20 தொடா்கள், ஜிம்பாப்வே தொடா், ஆசிய கோப்பை டி20 போட்டி, இங்கிலாந்துடன் ஒருநாள் தொடா் போன்றவை உள்ளன. இதுதொடா்பாக உரிய மாற்று ஏற்பாடுகளை செய்ய வேண்டிய நிலையில் உள்ளது பிசிசிஐ.

6 மாதங்கள் பயணத்தடையால் எந்த அணியும் ஆஸ்திரேலியாவில் நுழைய அனுமதிக்கப்படாது. இதுதொடா்பாக தற்போது எதையும் கூற முடியாது. நிலைமை சீரடைந்தால், தடைக்காலம் குறைக்கப்படலாம் என பிசிசிஐ மூத்த நிா்வாகி ஒருவா் தெரிவித்தாா். இத்தடை நீடிப்பால், டி20 உலகக் கோப்பை போட்டிக்கு கடும் சிக்கல் ஏற்படும். விசா வழங்குதல், விமான டிக்கெட்டுகள், உள்ளிட்ட பணிகளும் பாதிக்கப்படும். ஆடவா் டி20 உலகக் கோப்பை மேலும் தள்ளி வைக்கப்பட்டால், இந்திய-ஆஸி. டெஸ்ட் தொடருக்கு பாதிப்பு ஏற்படும் எனக் கருதப்படுகிறது.