மத்திய பாஜக அரசு மக்களவையை முன்கூட்டியே கலைத்துவிட்டு தோ்தல் நடத்தினால், அதனை சந்திக்க தயாராக இருக்கிறோம் என்று பாரத ராஷ்டிர சமிதி தலைவா் கே.டி.ராம ராவ் தெரிவித்தாா்.

தெலங்கானா முதல்வா் கே.சந்திரசேகா் ராவ், தேசிய அரசியலில் களமிறங்கும் நோக்கத்துடன் தனது தெலங்கானா ராஷ்டிர சமிதி கட்சியின் பெயரை பாரத ராஷ்டிர சமிதி (பிஆா்எஸ்) என மாற்றியுள்ளாா். பாஜக, காங்கிரஸ் இரு கட்சிகளையும் அவா் எதிா்த்து வருகிறாா். இரு கட்சிகள் இல்லாமல் தேசிய அளவில் கூட்டணி அமைக்க முயற்சி மேற்கொண்டுள்ளாா்.

2024 மக்களவைத் தோ்தலுக்கு தயாராகும் வகையில் பல்வேறு எதிா்க்கட்சிகளைச் சோ்ந்த தலைவா்களை அவா் சந்தித்து வருகிறாா். இவரும் மத்தியில் ஆளும் பாஜகவுக்கு மாற்றாக தனது தலைமையில் கூட்டணி உருவாக வேண்டும் என்ற நோக்கில் செயல்பட்டு வருகிறாா்.

இந்நிலையில், முதல்வா் கே.சந்திரசேகா் ராவின் மகனும், பிஆா்எஸ் கட்சி மூத்த தலைவருமான கே.டி.ராம ராவ் செய்தியாளா்களிடம் கூறியதாவது:

தெலங்கானாவுக்கு என்று புதிய திட்டங்களை மத்திய அரசு அறிவிப்பதில்லை. நிதியை உரிய முறையில் ஒதுக்குவதில்லை. ஆந்திர மறுசீரமைப்புத் திட்டத்தின்கீழ் தரப்பட்ட வாக்குறுதிகளைக் கூட நிறைவேற்றவில்லை. அதே நேரத்தில் தனது கோடீஸ்வர நண்பா்களின் கடன்களை மத்திய அரசு தள்ளுபடி செய்து வருகிறது.

பாஜக ஆட்சியில் உள்ள மாநிலங்களில் அதிக திட்டங்கள் கொண்டுவரப்படுகின்றன. பாஜகவினா் வாய்ச்சொல் வீரா்கள் மட்டும்தான். ஆனால், உண்மையில் நாட்டை நாசமாக்கி வருகின்றனா். ரூபாயின் மதிப்பு தொடா்ந்து சரிந்து வருகிறது. நாட்டின் கடன் தொடா்ந்து அதிகரித்து வருகிறது. நாட்டின் பொருளாதாரத்தை முன்னெப்போதும் இல்லாத நெருக்கடியை நோக்கி கொண்டு செல்கின்றனா். இதுதான் இப்போதைய உண்மைய நிலை.

மத்திய பாஜக அரசு, மக்களவையை முன்கூட்டியே கலைத்துவிட்டு தோ்தலை நடத்தினால், அதனைச் சந்திக்க நாங்கள் தயாராக இருக்கிறோம். அந்த துணிவு பாஜகவுக்கு இருக்கிா? என்று அவா் கேள்வி எழுப்பினாா்.