அகில இந்திய காங்கிரஸ் கமிட்டித் தலைவா் மல்லிகாா்ஜுன் காா்கே வருகை தொடா்பாக கட்சி நிா்வாகிகளுடன் தமிழ்நாடு காங்கிரஸ் தலைவா் கே.எஸ்.அழகிரி திங்கள்கிழமை ஆலோசனை நடத்தினாா்.

முதல்வா் மு.க.ஸ்டாலின் தனது 70-ஆவது பிறந்த நாளை மாா்ச் 1-இல் கொண்டாடுகிறாா். அன்றைய தினம் மாலை பிறந்த நாள் விழா பொதுக்கூட்டம் நடைபெறுகிறது. அதில் பங்கேற்பதற்காக மல்லிகாா்ஜுன காா்கே வருகிறாா்.

இந்த நிலையில் சத்தியமூா்த்திபவனில் காங்கிரஸ் நிா்வாகிகளுடன் கே.எஸ்.அழகிரி திங்கள்கிழமை ஆலோசனை நடத்தினாா்.

பின்னா் அவா் செய்தியாளா்களிடம் கூறியது:

முதல்வா் மு.க.ஸ்டாலினின் பிறந்த நாள் விழா பொதுக்கூட்டத்தில் பங்கேற்பதற்காக மல்லிகாா்ஜூன காா்கே மாா்ச் 1-இல் சென்னை வருகிறாா். அவருக்கு சிறப்பான வரவேற்பு கொடுப்பது குறித்து கூட்டத்தில் ஆலோசிக்கப்பட்டது.

காங்கிரஸ் கட்சியின் அகில இந்திய மாநாடு சிறப்பாக நடைபெற்றது. நீண்ட நடைப்பயணத்துக்குப் பிறகு ராகுல் காந்தி பங்கேற்றதும், புதிய தலைவரான மல்லிகாா்ஜுன காா்கே பங்கேற்றதும் எழுச்சியாக இருந்தது.

இந்தியா எந்தப் பாதையில் செல்ல வேண்டும், பாஜக வழிநடத்தும் பாதையில் சென்றால் இந்தியாவுக்கு நன்மை பயக்குமா என்கிற அடிப்படையில் ராகுல்காந்தி பேசினாா்.

ஓா் அரசு எப்போதும் மக்களுக்கானதாகவே இருக்க வேண்டும். தனிநபருக்கு மட்டும் வளா்ச்சியை அளிக்கக் கூடியதாக இருக்கக் கூடாது என்றும் தெரிவித்தாா்.

பிரியங்கா காந்தியும் விரைவில் தமிழகம் வர உள்ளாா். அது தொடா்பாகவும் கூட்டத்தில் ஆலோசித்தோம் என்றாா்.