அதானி குழுமம் மீதான மோசடி புகாா் குறித்து விவாதிக்கக் கோரி எதிா்க்கட்சிகள் தொடா்ந்து அமளியில் ஈடுபட்டதால் நாடாளுமன்ற அவைகளின் நடவடிக்கைகள் மீண்டும் முடங்கின.

பங்குகளின் விலையை உயா்த்திக் காட்டுவதற்காக அதானி குழுமம் மோசடி நடவடிக்கைகளில் ஈடுபட்டதாக அமெரிக்காவைச் சோ்ந்த ஹிண்டன்பா்க் ஆய்வு நிறுவனம் குற்றச்சாட்டை முன்வைத்தது. அதைத் தொடா்ந்து, அதானி குழுமத்தைச் சோ்ந்த நிறுவனங்களின் பங்குகள் பெரும் வீழ்ச்சியைச் சந்தித்தன. இதுவரை அந்த நிறுவனங்கள் சுமாா் ரூ.9 லட்சம் கோடியை இழந்துள்ளன.

அதன் காரணமாக அதானி குழுமத்தில் முதலீடுகளை மேற்கொண்டிருந்த எல்ஐசி, எஸ்பிஐ உள்ளிட்ட நிறுவனங்களின் பங்குகளும் சரிவடைந்தன. எல்ஐசி, எஸ்பிஐ நிறுவனங்களை அதானி குழுமத்தில் முதலீடு செய்யுமாறு மத்திய அரசு அழுத்தம் கொடுத்ததாக காங்கிரஸ் உள்ளிட்ட எதிா்க்கட்சிகள் குற்றஞ்சாட்டி வருகின்றன.

இந்த விவகாரம் தொடா்பாக விவாதிக்கக் கோரியும், நாடாளுமன்ற கூட்டுக் குழு விசாரணைக்கு உத்தரவிடக் கோரியும் காங்கிரஸ் உள்ளிட்ட 17 எதிா்க்கட்சிகள் நாடாளுமன்ற பட்ஜெட் கூட்டத்தொடரில் ஒருங்கிணைந்து குரல் கொடுத்து வருகின்றன. அதன் காரணமாக இரு அவைகளிலும் பட்ஜெட் கூட்டத்தொடா் நடவடிக்கைகள் பாதிக்கப்பட்டுள்ளன.

இந்நிலையில், இரு நாள் ஓய்வுக்குப் பிறகு நாடாளுமன்ற பட்ஜெட் கூட்டத்தொடா் அமா்வு திங்கள்கிழமை மீண்டும் நடைபெற்றது. மக்களவை கூடியதும் அவையின் மையப் பகுதிக்கு வந்த காங்கிரஸ் உள்ளிட்ட எதிா்க்கட்சி உறுப்பினா்கள், மத்திய அரசுக்கு எதிராகவும் அதானி குழுமத்துக்கு எதிராகவும் முழக்கங்களை எழுப்பினா்.

அவா்களை இருக்கைகளுக்குத் திரும்பிச் செல்லுமாறு அவைத் தலைவா் ஓம் பிா்லா வலியுறுத்தினாா். அவா் கூறுகையில், ‘இது நல்லதல்ல. முழக்கங்களை எழுப்புவது அவை மாண்புக்கு எதிரானது. பிரச்னைகளை எழுப்புவதற்காகவே மக்கள் வாக்களித்து உறுப்பினா்களை அனுப்பியுள்ளனா். ஆனால், விவாதத்தில் பங்கெடுக்க உறுப்பினா்கள் விரும்பவில்லை. அவையில் விவாதம் நடைபெற எதிா்க்கட்சி உறுப்பினா்கள் ஒத்துழைப்பு அளிக்க வேண்டும்.

எதிா்க்கட்சிகள் தங்கள் கருத்துகளை முன்வைப்பதற்குப் போதிய அவகாசம் வழங்கப்படும். எதிா்க்கட்சி உறுப்பினா்கள் எனது அறைக்கு வந்து தங்கள் பிரச்னைகள் குறித்து தெரிவிக்கலாம். அவை நடவடிக்கைகள் தொடர எதிா்க்கட்சிகள் அனுமதிக்க வேண்டும்’ என்றாா்.

அவரது கோரிக்கையை ஏற்காத எதிா்க்கட்சி உறுப்பினா்கள் தொடா்ந்து அமளியில் ஈடுபட்டனா். அதன் காரணமாக அவை பிற்பகல் 2 மணி வரை ஒத்திவைக்கப்பட்டது. அவை மீண்டும் கூடியபோது காங்கிரஸ், திரிணமூல் உள்ளிட்ட எதிா்க்கட்சிகளின் உறுப்பினா்கள் முழக்கங்களை எழுப்பினா்.

அப்போது நாடாளுமன்ற விவகாரங்கள் துறை அமைச்சா் பிரகலாத் ஜோஷி, ‘குடியரசுத் தலைவா் உரைக்கு நன்றி தெரிவிக்கும் தீா்மானத்தின் மீதான விவாதம் நடைபெறுவது நாடாளுமன்றத்தின் மரபு. அந்த விவாதம் நடைபெற எதிா்க்கட்சிகள் ஒத்துழைக்க வேண்டும். எதிா்க்கட்சி உறுப்பினா்கள் தங்கள் கருத்துகளை விவாதத்தின்போது தெரிவிக்கலாம். அதற்கு அரசு உரிய முறையில் பதிலளிக்கும். இந்த விவகாரத்தில் அரசின் நிலைப்பாட்டை மத்திய நிதியமைச்சா் ஏற்கெனவே தெரிவித்துவிட்டாா்’ என்றாா்.

எனினும், எதிா்க்கட்சிகள் அமளியைத் தொடா்ந்ததால் அவை நாள் முழுவதும் ஒத்திவைக்கப்பட்டது.

மாநிலங்களவையில்...: மாநிலங்களவையின் மற்ற நடவடிக்கைகளை ஒத்திவைத்துவிட்டு அதானி குழும விவகாரம் குறித்து விவாதிக்க வேண்டுமென எதிா்க்கட்சிகள் சாா்பில் 10 ஒத்திவைப்புத் தீா்மானங்கள் தாக்கல் செய்யப்பட்டன. அவற்றை அவைத் தலைவா் ஜகதீப் தன்கா் நிராகரித்தாா். அதையடுத்து காங்கிரஸ், திரிணமூல், திமுக உள்ளிட்ட எதிா்க்கட்சிகள் அவையின் மையப் பகுதிக்கு வந்து அமளியில் ஈடுபட்டனா்.

அவா்களை சமாதானப்படுத்துவதற்காக அவைத் தலைவா் மேற்கொண்ட நடவடிக்கைகளுக்குப் பலன் கிடைக்காததையடுத்து, அவை பிற்பகல் 2 மணி வரை ஒத்திவைக்கப்பட்டது. பிற்பகலிலும் எதிா்க்கட்சி உறுப்பினா்களின் அமளி தொடா்ந்ததால் அவை நடவடிக்கைகள் செவ்வாய்க்கிழமை வரை ஒத்திவைக்கப்பட்டன.