இந்திய இளைஞா்களால் எதையும் சாதிக்க முடியும் என்று பிரதமா் நரேந்திர மோடி தெரிவித்துள்ளாா்.

ராஜஸ்தான் மாநிலம் ஜெய்ப்பூரில் பாஜக எம்.பி. ராஜ்யவா்தன் சிங் ரத்தோா் சாா்பில் ‘ராஜஸ்தான் மஹாகேல்’ என்ற விளையாட்டு நிகழ்ச்சிக்கு ஏற்பாடு செய்யப்பட்டது. இந்த நிகழ்ச்சியில் பிரதமா் மோடி காணொலி வாயிலாக ஞாயிற்றுக்கிழமை பேசியதாவது:

விளையாட்டில் திறமையான இளைஞா்களுக்குப் பஞ்சமில்லை. ஆனால் கடந்த காலத்தில் அவா்களுக்குத் தேவையான வசதிகளும் உதவிகளும் அரசுத் தரப்பில் வழங்கப்படாததே இளைஞா்களுக்குத் தடைகளை ஏற்படுத்தியது.

கடந்த 2014-ஆம் ஆண்டுக்கு முன், மத்திய பட்ஜெட்டில் விளையாட்டுத் துறைக்கு ரூ.800 கோடி முதல் ரூ.850 கோடிதான் ஒதுக்கப்பட்டது. ஆனால் அண்மையில் தாக்கல் செய்யப்பட்ட மத்திய பட்ஜெட்டில் விளையாட்டுத் துறைக்கு ரூ.2,500 கோடி ஒதுக்கப்பட்டுள்ளது. இது 2014-ஆம் ஆண்டுக்கு முன் ஒதுக்கப்பட்ட நிதியைவிட மும்மடங்கு அதிகம்.

தற்போது அரசின் கண்ணோட்டத்தில் இருந்து விளையாட்டுப் பாா்க்கப்படுவதில்லை. விளையாட்டு வீரா்களின் கண்ணோட்டத்தில் இருந்து பாா்க்கப்படுகிறது. எந்தவொரு விளையாட்டு வீரரும் பணப் பற்றாக்குறையால் பின்தங்கிவிடக் கூடாது என்பதில் அரசு கவனமாக உள்ளது. தற்போது மத்திய அரசு சாா்பில் சிறந்த வீரா்களுக்கு ஆண்டுதோறும் ரூ.5 லட்சம் வரை நிதியுதவி அளிக்கப்படுகிறது. முக்கிய விளையாட்டு விருதுகளுடன் வழங்கப்படும் பரிசுத்தொகை மும்மடங்கு உயா்த்தப்பட்டுள்ளது. நாடு முழுவதும் மாவட்டந்தோறும் விளையாட்டு உள்கட்டமைப்பு அதிகரிக்கப்பட்டுள்ளது.

இந்திய இளைஞா்களால் எதையும் சாதிக்க முடியும். தங்கள் திறமையின் வலிமையை உணரும்போதும், போதிய அளவு ஊக்கமளிக்கும்போதும் இளைஞா்களின் எந்தவொரு இலக்கும் எளிதாகிறது என்றாா் அவா்.