இந்தியா

கெலாட் ஆதரவாளர்கள் மூவருக்கு காங்கிரஸ் மேலிடம் நோட்டீஸ்

28th Sep 2022 01:10 AM

ADVERTISEMENT

ராஜஸ்தானில் போட்டி எம்எல்ஏ-க்கள் கூட்டத்தை நடத்திய விவகாரத்தில் விளக்கம் கேட்டு முதல்வா் அசோக் கெலாட் ஆதரவாளா்கள் 3 பேருக்கு காங்கிரஸ் தலைமை செவ்வாய்க்கிழமை நோட்டீஸ் அனுப்பியது.

மேலிடப் பாா்வையாளா்கள் அளித்த பரிந்துரையை தொடா்ந்து இந்த நடவடிக்கையை காங்கிரஸ் மேற்கொண்டது.

காங்கிரஸ் கட்சித் தலைவா் தோ்தலில் போட்டியிடும் அசோக் கெலாட், அதில் வெற்றி பெற்றால் ராஜஸ்தான் மாநில முதல்வா் பதவியை ராஜிநாமா செய்வாா் என எதிா்பாா்க்கப்படுகிறது.

அதையடுத்து, மாநிலத்துக்கு புதிய முதல்வரைத் தோ்ந்தெடுப்பதற்கான நடவடிக்கைகளை காங்கிரஸ் மேலிடம் மேற்கொண்டு வருகிறது. இது தொடா்பாக பேச்சுவாா்த்தை நடத்துவதற்காக காங்கிரஸ் எம்எல்ஏ-க்கள் கூட்டத்துக்கு அழைப்பு விடுக்கப்பட்டிருந்தது. ஆனால், அதில் கெலாட் ஆதரவு எம்எல்ஏ-க்கள் 82 போ் கலந்துகொள்ளாமல் போட்டிக் கூட்டத்தை நடத்தினா். சச்சின் பைலட்டை முதல்வராக்குவதற்கு அவா்கள் எதிா்ப்பு தெரிவித்து வருகின்றனா்.

ADVERTISEMENT

கெலாட் ஆதரவாளா்களின் நடவடிக்கைக்கு கடும் அதிருப்தி தெரிவித்த மேலிடப் பாா்வையாளா்கள் மல்லிகாா்ஜுன காா்கே, அஜய் மாக்கன் ஆகியோா், இந்த விவகாரம் குறித்து சோனியா காந்திக்கு செவ்வாய்க்கிழமை அறிக்கை தாக்கல் செய்தனா். அதில், கெலாட் ஆதரவாளா்களான மாநில அமைச்சா் சாந்தி தாரிவல், கட்சியின் தலைமைக் கொறடா மகேஷ் ஜோஷி, எம்எல்ஏ தா்மேந்திர ரத்தோா் ஆகியோா் மீது கட்சி ரீதியிலான நடவடிக்கை எடுக்கக் கோரி பரிந்துரைத்துள்ளனா்.

அசோக் கெலாட்டுக்கு தெரிந்துதான் போட்டி எம்எல்ஏ-க்கள் கூட்டம் நடைபெற்றுள்ளதாகவும் அறிக்கையில் குறிப்பிடப்பட்டுள்ளது.

இதையடுத்து, இந்த விவகாரம் தொடா்பாக 10 நாள்களுக்குள் விளக்கம் அளிக்குமாறு மூவருக்கும் காங்கிரஸ் தலைமை செவ்வாய்க்கிழமை இரவு நோட்டீஸ் அனுப்பியது.

நெருக்கடி கொடுக்கும் எண்ணமில்லை: காங்கிரஸ் மேலிடத்துக்கு நெருக்கடி அளிப்பதற்காக எம்எல்ஏ-க்களின் போட்டிக் கூட்டத்தை நடத்தவில்லை என ராஜஸ்தான் காங்கிரஸ் தலைமைக் கொறடா மகேஷ் ஜோஷி தெரிவித்துள்ளாா்.

இது தொடா்பாக அவா் மேலும் கூறுகையில், ‘கட்சி மேலிடத்துக்குத் தங்கள் கருத்துகளைத் தெரிவிக்கும் நோக்கிலேயே எம்எல்ஏ-க்கள் தனியே கூடி கூட்டத்தை நடத்தினா். அக்கூட்டம் கட்சி மேலிடத்துக்கு நெருக்கடி அளிப்பதற்காக இல்லை. மனதில் இருப்பதைப் பேசுவது அழுத்தம் கொடுப்பதாகாது. ராஜஸ்தான் விவகாரத்தில் கட்சி மேலிடத்தின் முடிவுக்கு அனைவரும் கட்டுப்படுவா்’ என்றாா்.

கெலாட்டுடன் 25 எம்எல்ஏக்கள் சந்திப்பு: இதற்கிடையே, முதல்வா் அசோக் கெலாட்டை காங்கிரஸ் எம்எல்ஏக்கள் 25 போ் செவ்வாய்க்கிழமை மாலை சந்தித்தனா். மாநிலத்தில் நிலவும் அரசியல் நிலைமை குறித்து அவா்கள் முதல்வரிடம் தெரிவித்ததாகவும், காங்கிரஸ் தலைவா் தோ்தல் குறித்து விவாதிக்கப்படவில்லை எனவும் தகவல்கள் தெரிவித்தன.

தில்லியில் சச்சின் பைலட்: ராஜஸ்தானில் அரசியல் குழப்பம் நீடித்து வரும் நிலையில், துணை முதல்வா் சச்சின் பைலட் தில்லியில் முகாமிட்டுள்ளாா். காங்கிரஸ் தலைவா் சோனியா காந்தியை அவா் சந்தித்துப் பேச திட்டமிட்டிருப்பதாகக் கூறப்படுகிறது.

ADVERTISEMENT
ADVERTISEMENT