உத்தர பிரதேசத்தில் டிராக்டா் குளத்துக்குள் கவிழ்ந்ததில் 10 போ் பலியாகினா்; 37 போ் காயமடைந்தனா்.

இது தொடா்பாக லக்னௌ மாவட்ட ஆட்சியா் சூா்யபால் கங்வாா் செய்தியாளா்களிடம் கூறுகையில், ‘‘உன்னாவி கிராமத்தில் உள்ள துா்காதேவி கோவிலுக்கு டிராக்டரில் 47 போ் சென்றுள்ளனா். அப்போது திடீரென கட்டுப்பாட்டை இழந்த டிராக்டா், அருகில் உள்ள குளத்துக்குள் கவிழ்ந்தது. இந்த விபத்தில் டிராக்டரில் இருந்த 8 பெண்களும் இரு குழந்தைகளும் உயிரிழந்தனா். விபத்தில் 37 போ் காயமடைந்தனா்.

அவா்களை மாநில பேரிடா் மீட்புப் படையினா் விரைந்து செயல்பட்டு மீட்டனா். படுகாயமடைந்த சிலா் கிங் ஜாா்ஜ் மருத்துவக் கல்லூரி மருத்துவமனையில் அனுமதிக்கப்பட்டுள்ளனா். அவா்களுக்குத் தொடா்ந்து சிகிச்சை அளிக்கப்பட்டு வருகிறது.

விபத்துக்கான காரணம் குறித்து தொடா்ந்து விசாரணை நடத்தப்பட்டு வருகிறது. குறுகிய சாலையில் அதிக எண்ணிக்கையிலான பயணிகளுடன் வாகனங்களை இயக்காமல் இருப்பதற்கான நடவடிக்கைகளை மேற்கொள்ள மாநில காவல் துறைக்கு வலியுறுத்தப்பட்டுள்ளது. விபத்தில் காயமடைந்தவா்களுக்குத் தேவையான உடனடி உதவிகளை வழங்குமாறும் அதிகாரிகளுக்கு உத்தரவிடப்பட்டுள்ளது’’ என்றாா்.

இழப்பீடு:

விபத்தில் பலியானவா்களின் குடும்பங்களுக்கு மாநில அரசு தரப்பில் தலா ரூ.4 லட்சம் இழப்பீடு வழங்கப்படும் என அறிவிக்கப்பட்டுள்ளது.

இரங்கல்:

குடியரசுத் தலைவா் திரௌபதி முா்மு, பாதுகாப்புத் துறை அமைச்சா் ராஜ்நாத் சிங், மாநில முதல்வா் யோகி ஆதித்யநாத் உள்ளிட்டோா் விபத்தில் பலியானவா்களுக்கு இரங்கல் தெரிவித்துள்ளனா்.