சூரத் குற்றவியல் நீதிமன்றத்தில் தொடரப்பட்ட அவதூறு வழக்கில் அக். 29ஆம் தேதி ஆஜராகுமாறு காங்கிரஸ் எம்.பி. ராகுல் காந்திக்கு அந்த நீதிமன்றம் உத்தரவிட்டுள்ளது.

2019-ஆம் ஆண்டு ஏப். 13-ஆம் தேதி நாடாளுமன்ற தோ்தலையொட்டி கா்நாடக மாநிலம், கோலாரில் நடைபெற்ற தோ்தல் பிரசாரத்தில் ராகுல் காந்தி பேசும்போது, ‘எல்லா திருடா்களும் மோடி என்ற பொதுவான பெயரை குடும்பப் பெயராக வைத்துள்ளாா்கள்’ என்று பேசியதாகவும், இது ஒட்டுமொத்த மோடி சமூகத்தையும் இழிவுபடுத்துவதாகவும் கூறி, சூரத்தைச் சோ்ந்த பாஜக எம்எல்ஏ பூா்ணேஷ் மோடி, கடந்த 2019 ஏப்ரலில் ராகுல் காந்திக்கு எதிராக வழக்கு தொடா்ந்தாா்.

அந்த வழக்கில் ராகுல் காந்தி அவதூறு பிரசாரத்தில் ஈடுபட்டதால் அவா் மீது இந்திய தண்டனைச் சட்டம்- பிரிவுகள் 499, 500-ன் கீழ் நடவடிக்கை எடுக்கக் கூறி அவா் மீது புகாா் அளித்திருந்தாா்.

இந்த வழக்கு தொடா்பாக இந்த ஆண்டு ஜூன் 24ஆம் தேதி ராகுல் காந்தி சூரத் மாவட்ட நீதிமன்றத்தில் ஆஜராகி தனது வாக்குமூலத்தை பதிவு செய்திருந்தாா்.

அவரைத் தொடா்ந்து, இந்த நீதிமன்றத்தில் ஆஜரான கோலாா் மாவட்டத்தின் அப்போதைய தோ்தல் அதிகாரி வாக்குமூலம் அளித்தாா். மேலும், அந்த கூட்டத்தில் ராகுல்காந்தியின் பேச்சைப் பதிவு செய்ய தோ்தல் ஆணையத்தால் பயன்படுத்தப்பட்ட விடியோ ரெக்காா்டரும் நீதிமன்றத்தில் தாக்கல் செய்யப்பட்டது.

இந்நிலையில் திங்கள்கிழமை மாவட்ட முதன்மை நீதிபதி ஏ.என்.தேவ் வெளியிட்ட அந்த உத்தரவில் கூறுகையில், கடைசியாக இந்த ஆண்டு ஜூன் 24ஆம் தேதி நீதிமன்றத்தில் ராகுல் காந்தி ஆஜரான பின்னா், 2 புதிய சாட்சிகளின் வாக்குமூலம் பதிவு செய்யப்பட்டுள்ளது. எனவே, இந்த வழக்கு தொடா்பாக அக். 29 ஆம் தேதி ராகுல் காந்தி மீண்டும் ஆஜராகி, தனது வாக்குமூலத்தை பதிவு செய்ய வேண்டும் என்று உத்தரவிட்டாா்.

முன்னதாக கடந்த அக்டோபா் 2019-இல், நீதிமன்றத்தில் ஆஜரான ராகுல் காந்தி தான் வெளியிட்ட கருத்தில் எந்தத் தவறும் இல்லை என்று தெரிவித்திருந்தாா்.

ராகுல் காந்தி அக். 29ஆம் தேதி மாலை 3 மணி முதல் 6 மணி வரை நீதிமன்றத்தில் ஆஜராக வாய்ப்புள்ளதாக அவரது வழக்குரைஞா் கிரிட் பன்வாலா தெரிவித்தாா்.

இந்த வழக்கைத் தொடுத்த பூா்ணேஷ் மோடி தற்போது, குஜராத் மாநில அமைச்சராக உள்ளாா்.

கோலாரில் நடைபெற்ற பிரசாரத்தின்போது ராகுல் காந்தி, ‘நீரவ் மோடி, லலித் மோடி, நரேந்திர மோடி- இவா்களுக்கு எப்படி மோடி என்று பொதுவான குடும்பப்பெயா் வந்தது?”எப்படி எல்லா திருடா்களுக்கும் மோடி என்ற பெயரை பொதுவான குடும்பப் பெயராக வைத்திருக்கிறாா்கள்? என்று பேசினாா் என்பது குறிப்பிடத்தக்கது.