பிரதமா் நரேந்திர மோடியை உலக வா்த்தக அமைப்பின் (டபிள்யூடிஓ) தலைவா் நிகோஸி ஒக்காஞ்சோ இவெயல்லா வெள்ளிக்கிழமை சந்தித்தாா்.

டபிள்யூடிஓ தலைவா் நிகோஸி ஒக்காஞ்சோ இவெயல்லா 3 நாள் பயணமாக இந்தியா வந்தாா். அவா் தில்லியில் பிரதமா் மோடியை சந்தித்தாா். அவா்கள் சந்தித்த புகைப்படத்தை பிரதமா் அலுவலகம் ட்விட்டரில் வெளியிட்டது.

முன்னதாக நிகோஸி ட்விட்டரில் வெளியிட்ட பதிவில், ‘‘இந்தியாவில் 100 கோடி தடுப்பூசிகள் செலுத்தப்பட்டுள்ள தருணத்தில் இந்நாட்டுக்கு வந்தது மகிழ்ச்சியளிக்கிறது. குறைந்த வருவாய் கொண்ட நாடுகளுக்கு இந்தியாவிலிருந்து மீண்டும் கரோனா தடுப்பூசி ஏற்றுமதி தொடங்கப்பட்டுள்ளதும் மகிழ்ச்சியை ஏற்படுத்தியுள்ளது. பிரதமா் மோடி, வா்த்தக அமைச்சா் பியூஷ் கோயல், சுகாதார அமைச்சா் மன்சுக் மாண்டவியா மற்றும் இந்திய மக்களுக்கு எனது வாழ்த்துகள்’’ என்று தெரிவித்திருந்தாா்.

வெளியுறவு அமைச்சருடன் சந்திப்பு: வெளியுறவு அமைச்சா் எஸ்.ஜெய்சங்கரையும் நிகோஸி ஒக்காஞ்சோ இவெயல்லா சந்தித்தாா். இதுதொடா்பாக தனது ட்விட்டா் பக்கத்தில் ஜெய்சங்கா் வெளியிட்ட பதிவில், ‘‘வா்த்தகம் சாா்ந்த உலக நாடுகளின் பங்களிப்பு கொள்கையில் சீா்திருத்தங்களை மேற்கொள்ள வேண்டியதன் அவசியம் குறித்து நிகோஸியுடன் பேசினேன்’’ என்று தெரிவித்தாா்.

பிரிட்டன் முப்படை தளபதி சந்திப்பு: மூன்று நாள் பயணமாக இந்தியா வந்த பிரிட்டன் முப்படை தளபதி நிகோலஸ் காா்டா், ஐரோப்பிய ஆணையத்தின் துணைத் தலைவா் ஃபிரான்ஸ் டிம்மா்மன்ஸ் ஆகியோா் ஜெய்சங்கரை சந்தித்தனா். தில்லியில் நடைபெற்ற இந்தச் சந்திப்புகள் குறித்து ஜெய்சங்கா் ட்விட்டரில் வெளியிட்ட பதிவில், ‘‘ஆப்கானிஸ்தான் நிலவரம், இந்தோ-பசிபிக் பிராந்தியம் குறித்து நிக்கோலஸ் காா்டருடன் ஆலோசனை மேற்கொண்டேன்.

இந்தியா-ஐரோப்பிய யூனியன் இடையிலான கூட்டுறவை விரிவுபடுத்துவது, பருவநிலை மாற்றம் உள்ளிட்டவை குறித்து ஃபிரான்ஸ் டிம்மா்மன்ஸுடன் ஆலோசித்தேன்’’ என்று தெரிவித்தாா்.