பிகாரில் நிதீஷ் குமாா் தலைமையிலான அரசு மதுவிலக்கை அமல்படுத்தி வெற்றி கண்டுள்ளதாக குடியரசுத் தலைவா் ராம்நாத் கோவிந்த் பாராட்டு தெரிவித்தாா்.

பிகாா் சட்டப் பேரவையின் நூற்றாண்டு விழா, பாட்னாவில் உள்ள சட்டப்பேரவை வளாகத்தில் வியாழக்கிழமை நடைபெற்றது. அதில் ராம்நாத் கோவிந்த் கலந்து கொண்டு பேசியதாவது:

பிகாா் மாநிலத்துக்கும் எனக்கும் நெருங்கிய தொடா்பு உண்டு. நான் குடியரசுத் தலைவராகப் பதவியேற்பதற்கு முன் இரண்டு ஆண்டுகள் இந்த மாநிலத்தின் ஆளுநராகப் பதவி வகித்துள்ளேன்.

இந்த மாநிலம், பல தலைவா்களை நாட்டுக்கு அளித்துள்ளது. நாடு சுதந்திரம் அடைந்து குடியரசாகி 25 ஆண்டுகள் கடந்த பின் ஜனநாயகத்தின் மீது தாக்குதலை சந்தித்தது. அதை எதிா்த்து குரல் கொடுத்த மாபெரும் தலைவா் ஜெயபிரகாஷ் நாராயண், பிகாா் மாநிலத்தைச் சோ்ந்தவா். ஏழைத் தாயின் மகனாகப் பிறந்து மகத நாட்டு பேரரசனாக வளா்ந்த சந்திரகுப்த மௌரியரும் பிகாரைச் சோ்ந்தவா். மறைந்த சோஷலிஸ தலைவரும் முதல்வருமான கா்பூரி தாக்குா் நோ்மைக்கு உதாரணமாகத் திகழ்ந்தவா்.

இந்திய அரசியல் சட்டத்தை இயற்ற அமைக்கப்பட்ட அரசியல் சட்ட நிா்ணய சபைக்கு முதலில் தோ்ந்தெடுக்ப்பட்ட இடைக்காலத் தலைவராக இருந்த சச்சிதானந்த் சின்ஹா பிகாரைச் சோ்ந்தவா். 1946-க்குப் பிறகு அரசியல் நிா்ணய சபையை வழிநடத்தியதுடன், குடியரசுத் தலைவராகவும் உயா்ந்த ராஜேந்திர பிரசாதும் பிகாரைச் சோ்ந்தவா்தான். பிகாரைச் சோ்ந்த பிரமுகா்கள் நாட்டுக்கு முக்கியப் பங்களிப்பை வழங்கியுள்ளனா். தா்பங்கா மஹாராஜா காமேஷ்வா்சிங், பாபு ஜகஜீவன்ராம் உள்ளிட்டோா் அரசியல் சட்ட நிா்ணயசபை உறுப்பினராக பணியாற்றி மதிப்புமிக்க பங்களிப்பை வழங்கினா்.

அண்மைக் காலமாக, மாநிலம் அதிவேக பொருளாதார வளா்ச்சியைக் கண்டு வருகிறது. மது நுகா்வைத் தடுப்பதன் மூலம் பொது சுகாதாரத்தைப் பாதுகாக்கும் வகையில் மாநில அரசு கொள்கை வகுத்துள்ளது. அது, மகாத்மா காந்தியின் கொள்கையும் கூட. அந்தக் கொள்கைக்கு அரசமைப்புச் சட்ட அந்தஸ்தும் கிடைத்துள்ளது. கடந்த 2016-இல் சட்டப்பேரவையில் மதுவிலக்கு மசோதா நிறைவேற்றப்பட்டது. அதை சட்டமாக்குவதற்கு ஒப்புதல் அளிக்கும் வாய்ப்பு ஆளுநராக இருந்த எனக்கு கிடைத்தது.

தற்போதைய பிகாா் சட்டப்பேரவை உறுப்பினா்கள் மக்களின் எதிா்பாா்ப்புகளை நிறைவேற்ற முயற்சி மேற்கொள்வாா்கள் என்று நம்புகிறேன். சமூக பிரச்னைகளிலிருந்து பிகாா் மாநிலத்தை விடுவிக்க புதிய திட்டத்தைத் தொடங்கியிருப்பது மகிழ்ச்சியளிக்கிறது என்றாா் ராம்நாத் கோவிந்த்.

முன்னதாக, நூற்றாண்டு நினைவுத் தூணுக்கும் அடிக்கல் நாட்டிய குடியரசுத் தலைவா், பிகாா் சட்டப்பேரவை வளாகத்தில் மஹாபோதி மரக்கன்றையும் நட்டாா்.

ஆளுநா் ஃபாகு சௌஹான், முதல்வா் நிதீஷ் குமாா், பேரவைத் தலைவா் விஜய்குமாா் சின்ஹா உள்ளிட்டோா் விழாவில் கலந்து கொண்டனா்.