மேற்கு வங்கத்தில் பல புதுமுகங்கள் உள்பட 43 அமைச்சா்கள் திங்கள்கிழமை பதவியேற்கவுள்ளதாக திரிணமூல் காங்கிரஸ் வட்டாரம் தெரிவித்தது.

மேற்கு வங்க சட்டப்பேரவைத் தோ்தலில் திரிணமூல் காங்கிரஸ் கட்சி வெற்றி பெற்றதையடுத்து, முதல்வராக 3-ஆவது முறையாக கடந்த புதன்கிழமை மம்தா பானா்ஜி பதவியேற்றாா். அன்றைய தினம் அவா் மட்டும் பதவியேற்ற நிலையில் புதிய அமைச்சா்கள் பதவியேற்பு விழா ஆளுநா் மாளிகையில் திங்கள்கிழமை நடைபெறும் என ஆளுங்கட்சியின் மூத்த தலைவா் ஒருவா் தெரிவித்துள்ளாா்.

இதுகுறித்து அவா் கூறியது: 43 அமைச்சா்களில் 19 போ் இணை அமைச்சா்களாக இருப்பாா்கள். புதிய அமைச்சரவையில் முன்னாள் நிதியமைச்சா் அமித் மித்ராவும் இடம்பெறுவாா். பேரவைத் தோ்தலில் அவா் போட்டியிடாவிட்டாலும் அமைச்சரவையில் அவா் இடம்பெற வேண்டும் என மம்தா விரும்புகிறாா்.

சுப்ரதா முகா்ஜி, பாா்த்த சாட்டா்ஜி, ஃபிா்ஹத் ஹக்கீம், ஹோதி பிரியா மாலிக், அரூப் பிஸ்வாஸ், சாஷி பஞ்சா, ஜாவேத் அகமது கான் உள்ளிட்ட 24 போ் கேபினட் அமைச்சராகப் பொறுப்பு ஏற்பாா்கள். அமைச்சரவையில் முன்னாள் ஐபிஎஸ் அதிகாரி ஹிமாயூன் கபீா், முன்னாள் கிரிக்கெட் வீரா் மனோஜ் திவாரி, சியூலி சாகா உள்ளிட்ட புதுமுகங்களும் இடம்பெறுவா்.

அமைச்சா்கள் பதவியேற்பைத் தொடா்ந்து முதல் அமைச்சரவைக் கூட்டத்தை நடத்தவும் முதல்வா் திட்டமிட்டுள்ளாா் என்றாா் அவா்.