சுகாதாரப் பணியாளா்கள் மற்றும் முன்களப் பணியாளா்கள் 3 கோடி பேருக்கு கரோனா தடுப்பூசி செலுத்தும் பணிகளுக்காக ரூ.480 கோடி செலவிடப்படவுள்ளது என்று மத்திய சுகாதாரத் துறை அமைச்சகம் தெரிவித்துள்ளது.

இதுதொடா்பாக மாநிலங்களவையில் எழுப்பப்பட்ட கேள்விக்கு மத்திய சுகாதாரத் துறை இணையமைச்சா் அஸ்வினிகுமாா் செளபே திங்கள்கிழமை எழுத்துபூா்வமாக அளித்த பதில்:

தற்போது சுகாதாரப் பணியாளா்கள், முன்களப் பணியாளா்களுக்கு இலவசமாக கரோனா தடுப்பூசி செலுத்தப்பட்டு வருகிறது. கடந்த பிப்ரவரி 4-ஆம் தேதி வரை கரோனா தடுப்பூசி செலுத்துவதற்கு 96.28 லட்சம் சுகாதாரப் பணியாளா்கள், 78.51 லட்சம் முன்களப் பணியாளா்கள் அடையாளம் காணப்பட்டுள்ளனா்.

சுகாதாரப் பணியாளா்கள் மற்றும் முன்களப் பணியாளா்கள் 3 கோடி பேருக்கு தடுப்பூசி செலுத்தும் பணிகளுக்காக ரூ.480 கோடி செலவிடப்படவுள்ளது. இந்தத் தொகை மத்திய பட்ஜெட்டில் ஒதுக்கீடு செய்யப்பட்டுள்ளது. தடுப்பூசிகளுக்காக ரூ.1392.82 கோடி செலவிடப்படவுள்ளது.

கடந்த ஜனவரி 26-ஆம் தேதி வரை மொத்தம் 2 கோடி ‘கோவிஷீல்ட்’, 28.03 லட்சம் ‘கோவேக்ஸின்’ தடுப்பூசிகள் மாநிலங்களுக்கு விநியோகிக்கப்பட்டுள்ளன.

அடுத்த நிதியாண்டுக்கான பட்ஜெட்டில் கரோனா தடுப்பூசி திட்டத்துக்காக ரூ.35,000 கோடி ஒதுக்கீடு செய்யப்பட்டுள்ளது. கூடுதல் நிதி தேவைப்பட்டால் அதையும் வழங்க உறுதி அளிக்கப்பட்டுள்ளது என்று தெரிவிக்கப்பட்டது.