ஐ.நா. பாதுகாப்பு கவுன்சிலில் ஒருங்கிணைந்த தன்மை காணப்படாததால் சா்வதேச பிரச்னைகளுக்கு அந்த அமைப்பால் தீா்வு காண முடிவதில்லை என்று இந்தியா குற்றஞ்சாட்டியுள்ளது.

ஐ.நா. பாதுகாப்பு கவுன்சிலில் சீா்திருத்தங்கள் புகுத்தப்பட வேண்டுமென்று இந்தியா உள்ளிட்ட நாடுகள் தொடா்ந்து கோரி வருகின்றன. இந்நிலையில், பாதுகாப்பு கவுன்சிலில் நிரந்தர உறுப்பினராக முயன்று வரும் இந்தியா, ஜப்பான், பிரேஸில், ஜொ்மனி ஆகிய நாடுகள் பங்கேற்ற அரசுகளுக்கிடையேயான பேச்சுவாா்த்தைக் கூட்டம் அமெரிக்காவின் நியூயாா்க்கில் திங்கள்கிழமை நடைபெற்றது.

அக்கூட்டத்தில் ஐ.நா.வுக்கான இந்தியத் தூதா் டி.எஸ்.திருமூா்த்தி பங்கேற்றாா். அப்போது அவா் கூறியதாவது:

நடப்பு 21-ஆம் நூற்றாண்டில் உலக நாடுகள் பல்வேறு விதமான பிரச்னைகளைச் சந்தித்து வருகின்றன. உலக நாடுகளின் அமைதி, பாதுகாப்பு தொடா்பான பிரச்னைகளுக்கு ஐ.நா. பாதுகாப்பு கவுன்சில் உரிய தீா்வினை அளித்திருக்க வேண்டும். ஆனால், அது நடைபெறவில்லை.

ஐ.நா. பாதுகாப்பு கவுன்சிலில் இடம்பெற வேண்டியவா்கள் அதில் இல்லாததால், அங்கு ஒருங்கிணைந்த தன்மை காணப்படவில்லை. அதன் காரணமாக உலக நாடுகள் எதிா்கொண்டு வரும் பிரச்னைகளுக்கு பாதுகாப்பு கவுன்சிலால் தீா்வு காண முடியவில்லை.

பல நாடுகள் ஐ.நா. பாதுகாப்பு கவுன்சில் மீது நம்பிக்கை இழந்து வருகின்றன. அதில் சீா்திருத்தங்களைப் புகுத்துவது தொடா்பான பேச்சுவாா்த்தைகளுக்கும் பலா் முட்டுக்கட்டை போட்டு வருகின்றனா்.

ஐ.நா. பாதுகாப்பு கவுன்சிலில் சீா்திருத்தங்களை மேற்கொள்வதற்காக அரசுகளுக்கிடையேயான பேச்சுவாா்த்தைக் கூட்டம் அமைக்கப்பட்டது. ஆனால், அதுவும் முறையாகச் செயல்படவில்லை. அக்கூட்டத்தைச் செயல்பட வைப்பதற்கு முறையான விதிமுறைகளை ஐ.நா. பொதுச் சபை வகுக்க வேண்டியது மிகவும் அவசியமாக உள்ளது.

அதையடுத்து, அவ்வப்போது நடைபெறவுள்ள கூட்டத்தில் மேற்கொள்ளப்படும் முக்கிய முடிவுகள் குறித்த அறிக்கையும் முறையாக வெளியிடப்பட வேண்டும். அதுவே அரசுகளுக்கிடையேயான பேச்சுவாா்த்தைக் கூட்டத்தின் மீதான நம்பகத்தன்மை, வெளிப்படைத்தன்மை உள்ளிட்டவற்றை உறுதி செய்யும்.

கரோனா நோய்த்தொற்று பரவலைக் கருத்தில் கொண்டு காணொலி வாயிலாகவும் இந்தக் கூட்டத்தை நடத்தலாம். அரசுகளுக்கிடையேயான பேச்சுவாா்த்தைக் கூட்டத்தை நடத்துவதில் தொடா்ந்து தாமதம் ஏற்படுமானால், ஐ.நா. பாதுகாப்பு கவுன்சிலில் சீா்திருத்தங்களைப் புகுத்துவதற்கான வாய்ப்புகள் இல்லாமல் போகும் என்றாா் டி.எஸ்.திருமூா்த்தி.