புவனேசுவரம் -சென்னை சென்ட்ரல் இடையே வாராந்திர அதிவிரைவு சிறப்பு ரயில் உள்பட 6 ஜோடி சிறப்பு ரயில்களின் சேவை நீட்டிக்கப்பட்டுள்ளது.

புவனேசுவரத்தில் இருந்து சென்னை சென்ட்ரலுக்கு வியாழக்கிழமைகளில் இயக்கப்படும் வாராந்திர அதிவிரைவு சிறப்பு ரயில் (02839) சேவை நீட்டிக்கப்படவுள்ளது. அதன்படி, இந்த ரயில் சேவை பிப்ரவரி 4, 11, 18, 25 மற்றும் மாா்ச் 4, 11, 18, 25 ஆகிய தேதிகளில் நீட்டிக்கப்படவுள்ளது.

சென்னை சென்ட்ரலில் இருந்து புவனேசுவரத்துக்கு வெள்ளிக்கிழமைகளில் இயக்கப்படும் வாராந்திர அதிவிரைவு சிறப்பு ரயில்(02840) நீட்டிக்கப்படவுள்ளது. இந்த ரயில் பிப்ரவரி 5, 12, 19, 26, மாா்ச் 5, 12, 19, 26 ஆகிய தேதிகளில் சேவை நீட்டிக்கப்படவுள்ளது.

புவனேசுவரம் -புதுச்சேரி வாராந்திர சிறப்பு ரயில், புவனேசுவரம்-ராமேஸ்வரம் வாராந்திர சிறப்பு ரயில், புரி-சென்னை சென்ட்ரல் வாராந்திர சிறப்பு ரயில், விசாகப்பட்டினம்-சென்னை சென்ட்ரல் சிறப்பு ரயில், புவனேசுவரம் -பெங்களூா் கன்டோன்மென்ட் சிறப்பு ரயில் ஆகிய ஜோடி ரயில்களின் சேவை காலம் நீட்டிக்கப்படவுள்ளது.