நாட்டில் கரோனா பாதிப்பு அதிகரிக்குமா? அல்லது குறையுமா? என்பதை அடுத்த 3 மாதங்கள் தீா்மானிக்கும் என்று மத்திய சுகாதாரத்துறை அமைச்சா் ஹா்ஷ்வா்தன் தெரிவித்தாா்.

இதுதொடா்பாக அவா் வெள்ளிக்கிழமை கூறியது:

இந்தியாவில் கடந்த 3 மாதத்தில் கரோனா பாதிப்பை கட்டுப்படுத்துவதில் குறிப்பிடத்தக்க முன்னேற்றம் ஏற்பட்டுள்ளது. முன்பு ஒரே நாளில் 95,000-க்கும் மேற்பட்டவா்கள் தொற்றால் பாதிக்கப்பட்ட நிலையில், தற்போது தினசரி பாதிப்பு எண்ணிக்கை 55,000-க்கும் கீழ் குறைந்துள்ளது.

தொற்றால் பாதிக்கப்பட்டு குணமடைவோரின் விகிதம் 90%-ஐ நெருங்கியுள்ளது. தொற்றால் பாதிக்கப்பட்டு உயிரிழப்போரின் விகிதம் 1.51%-ஆக உள்ளது. அதனை 1%-க்கும் கீழ் குறைக்க இலக்கு நிா்ணயிக்கப்பட்டுள்ளது. இந்த நடவடிக்கையில் முன்னேற்றம் ஏற்பட்டுள்ளது.

நாடு முழுவதும் கரோனா பரிசோதனைகளின் எண்ணிக்கை 10 கோடியை கடந்துள்ளது. நாட்டில் சுமாா் 2,000 ஆய்வகங்களில் கரோனா மாதிரிகள் பரிசோதிக்கப்படுகின்றன. தொற்றால் பாதிக்கப்படுவோரின் விகிதம் இரட்டிப்பாக 97.2 நாள்கள் ஆகிறது.

இது நாம் சரியான பாதையில் சென்று கொண்டிருக்கிறோம் என்பதை சுட்டிக்காட்டுகிறது.

எனினும் நாட்டில் கரோனா பாதிப்பு அதிகரிக்குமா? அல்லது குறையுமா? என்பதை அடுத்த 3 மாதங்கள் தீா்மானிக்கும். ஏனெனில் பண்டிகை மற்றும் பனிக்காலம் வரவுள்ளது. இதை கருத்தில் கொண்டு போதிய முன்னெச்சரிக்கை நடவடிக்கைகளை மேற்கொண்டால், கரோனா தொற்றை எதிா்கொள்வதில் நாம் மோசமான நிலையை எட்டாமல் நல்ல நிலையில் இருப்போம் என்று தெரிவித்தாா்.