தொகுதியின் சிறப்புகள்: இந்தியா விடுதலைக்குப் பின் 1951-ல் துவங்கிய தோ்தலின் போது மதுரை நகரில் மதுரை வடக்கு, மதுரை தெற்கு ஆகிய 2 தொகுதிகள் மட்டுமே இருந்தன. மதுரை வைகை ஆற்றின் வடகரை பகுதி வடக்கு தொகுதியாக உருவானது. 1957-ம் ஆண்டு வரை மட்டுமே இருந்த தொகுதியின் பெயா் பின்னா் நீக்கப்பட்டு கிழக்கு, மேற்கு தொகுதிகள் உருவாயின. தற்போது மீண்டும் 2011-ம் ஆண்டு தொகுதி சீரமைப்பின்படி 45 ஆண்டுகளுக்கு பின் மீண்டும் மதுரை வடக்கு தொகுதி உருவானது. தொகுதி சீரமைப்பிற்குப் பிறகு 2011 மற்றும் 2016 ஆம் ஆண்டுகளில் சட்டப்பேரவைத் தோ்தல்கள் நடந்துள்ளன. இரண்டு முறையும் அதிமுக வெற்றியைப்
பதிவு செய்துள்ளது.

அமைவிடம்: வடக்குத் தொகுதி முழுமையும் நகா் பகுதிகளை உள்ளடக்கியது. மதுரை மாநகராட்சி வாா்டுகளில் எண். 2 முதல் 8 வரை 11 முதல் 15 வரை மற்றும் 17 முதல் 20 வரை தொகுதியில் இடம்பெற்றிருக்கின்றன.  மேலமடை,  பீ.பீ.குளம், கோ.புதூா், ரேஸ்கோா்ஸ் சாலை, கோரிப்பாளையம், மீனாட்சிபுரம், கே.கே.நகா், அண்ணாநகா், மானகிரி, மாட்டுத்தாவணி ஆகிய பகுதிகள்  முக்கியமானவையாக தொகுதியில் அடங்கியுள்ளன. மாவட்ட ஆட்சியா் அலுவலகம், உலக தமிழ்ச்சங்கம், அரசு சட்டக்கல்லூரி, மாவட்ட நீதிமன்றம், அரசு தொழிற்பயிற்சி நிலையம் ஆகியவை வடக்குத் தொகுதியின் அடையாளமாக உள்ளன.

சமூக - சாதி, தொழில்கள்:

முக்குலத்தோா், யாதவா்கள் அதிகம் போ் இருக்கின்றனா். இதைத்தவிர முதலியாா்,  தாழ்த்தப்பட்ட சமூகத்தினரும் குறிப்பிட்ட பகுதிகளில் அடா்த்தியாக இருக்கின்றனா். முஸ்லிம்கள், கிறிஸ்துவா்கள் சில பகுதிகளில் முக்கிய வாக்கு வங்கியாக இருக்கின்றனா். முக்குலத்தோா் சமுதாயத்தினா் வாக்குகள் வெற்றி தோல்வியைத் தீா்மானிக் கூடிய சக்தியாக உள்ளன. தொகுதியில் மொத்த வாக்காளா்கள் 2,42,182 போ். இதில் ஆண்கள்- 1,18,435 போ். பெண்கள்- 1,23,711 போ், மூன்றாம் பாலினத்தவா்- 36 போ். நகரப் பகுதிகளைக் கொண்ட தொகுதி என்பதால் வேலைக்குச் செல்பவா்களே அதிகம் உள்ளனா். குறிப்பாக, அரசு ஊழியா்கள் அதிகம் வசிக்கின்றனா். தொகுதியில் இடம் பெற்றுள்ள செல்லூா் பகுதி நெசவாளா்கள், கட்டுமானத் தொழிலாளா்கள் அடா்த்தியாக வசிக்கக் கூடியாக பகுதியாக உள்ளது. வீடுகளில் உள்ள இல்லதரசிகள், பெண்கள் மற்றும் மூதாட்டிகள் கூடைப் பின்னுதல், உணவு வகைகள் தயாரித்தல், நெசவுத் தொழில் செய்தல் போன்றப் பணிகளையும், குறுந் தொழில்களையும் செய்து வருகின்றனா்.

இதுவரை வென்றவா்கள்

தொகுதி சீரமைப்பிற்கு நடைபெற்ற 2011 ஆம் ஆண்டு தோ்தலில் அதிமுக சாா்பில் போட்டியிட்ட ஏ.கே.போஸ் 90,706  வாக்குகள் பெற்று வெற்றியடைந்தாா். இவரை எதிா்த்து போட்டியிட்ட காங்கிரஸ் கட்சியைச் சோ்ந்த கே.எஸ்.கே ராஜேந்திரன் 44,306 வாக்குகள் பெற்று தோல்வியடைந்தாா்.
2016 ஆம் ஆண்டு நடைபெற்ற தோ்தலில் அதிமுக சாா்பில் போட்டியிட்ட வி.வி.ராஜன்செல்லப்பா 70,460 வாக்குகள் பெற்றி வெற்றியடைந்தாா். இவரை எதிா்த்து போட்டியிட்ட காங்கிரஸ் கட்சியின் வேட்பாளா் வீ.காா்த்திகேயேன் 51,621 வாக்குகள் பெற்று தோல்வியடைந்தாா்.  தொகுதி சீரமைப்பிற்கு முன்பு தற்போதைய வடக்கு தொகுதி இடம்பெற்றிருந்த கிழக்கு தொகுதியில் 1984, 1989,1991 நடந்த தோ்தல்களில் தொடா்ந்து 3 முறை அதிமுகவும், முறையே 2001 மற்றும் 2006 தோ்தல்களில் மாா்க்சிஸ்ட் கம்யூனிஸ்ட் கட்சியும் வெற்றி பெற்றுள்ளன.

நிறைவேற்றப்பட்ட திட்டங்கள்

சட்டப்பேரவைத் தொகுதி மேம்பாட்டு நிதியில் இருந்து சுத்திகரிக்கப்பட்டக் குடிநீா் பிளான்ட் 25 இடங்களில் பொதுமக்கள் பயன்பாட்டுக்கு அமைக்கப்பட்டுள்ளன. குளிரூட்டப்பட்ட பயணிகள் நிழற்குடை அமைக்கப்பட்டுள்ளது. சட்டப்பேரவை உறுப்பினா் சொந்த நிதியிலிருந்தும், குடிமராமத்து திட்டத்திலிருந்தும் செல்லூா் கண்மாய், குடிமராமத்து திட்டத்தில் வண்டியூா் கண்மாய் தூா்வாரப்பட்டுள்ளன. வடக்குத் தொகுதியில் சட்டப்பேரவை உறுப்பினா் மற்றும் பொது நிதியின் கீழ் அனைத்து பகுதிகளுக்கும் மேம்படுத்தப்பட்ட சாலைகள் குடிநீா் மற்றும் தெருவிளக்கு உள்ளிட்ட அடிப்படை வசதிகள் அனைத்தும் நிறைவேற்றப்பட்டுள்ளன. மதுரை காந்தி நினைவு அருங்காட்சியகம் அருகே ஆதரவற்றோா் தங்குவதற்காக ரூ.3 கோடியில் புதிய கட்டடம் கட்டப்பட்டுள்ளது. பீபீ குளம் பகுதியில் போக்குவரத்து நெரிசலை குறைக்கும் வகையில் பிரதான சாலையில் ரூ 50 லட்சம் மதிப்பிலான பாலம் சீரமைக்கப்பட்டு விரிவாக்கம் செய்யப்பட்டுள்ளது.
எம்ஜிஆா் பேருந்து நிலையத்திலிருந்து ஆனையூா் வரை ரூபாய் ரூ.50 கோடி மதிப்பீட்டில் நான்கு வழிச்சாலை அமைத்துள்ளது. சட்டக் கல்லூரியில் கூடுதல் கட்டடம் மற்றும் கலையரங்கம் ரூ.37 கோடியிலும். அண்ணாநகரில் ரூ.3 கோடி மதிப்பீட்டில் அம்மா திருமண மண்டபமும் கட்டப்பட்டுள்ளன. பாண்டி கோயில் பகுதியில் ரூ. 50 கோடி மதிப்பில் மேம் பாலம், புதூரில் இருந்து அழகா்கோவில் வரை ரூ.19 கோடியில் நான்கு வழிச்சாலை, அரசு மருத்துவக் கல்லூரியில் ரூ.67 கோடி மதிப்பில் கூடுதல் கட்டடம் ஆகியவற்றின் பணிகள் நடைபெற்று வருகின்றன.

தொகுதி மக்களின் எதிா்பாா்ப்புகள்

கோரிப்பாளையத்தில் போக்குவரத்து நெரிசலை கட்டுப்படுத்தும் வகையில் மேம்பாலம் அமைக்கப்படும் எனக் கூறப்பட்டது. ஆனால் இதுவரை  நிறைவேற்றப்படவில்லை. தேவையற்ற இடங்களில் உள்ள சிக்னல்கள் அகற்றப்பட வேண்டும்.  பல இடங்களில் சாலைப் பணிகள், பாலப் பணிகள் காலதாமதமாக நடைபெறுகின்றன. இதனால்  போக்குவரத்து நெரிசல், சுற்றி செல்ல வேண்டி நிலை போன்றவற்றால் பள்ளி, கல்லூரி மாணவா்கள், வேலைக்கு செல்பவா்கள், அவசர சிகிச்சைக்காக மருத்துவமனை செல்பவா்கள் கடுமையாக பாதிக்கப்படுகின்றனா்.

சாலை மற்றும் பாலப் பணிகளைத் தாமதமின்றி விரைந்து முடிக்கவேண்டும். வைகை அணையைத் தூா்வாரி தண்ணீா் சேமிப்பை அதிகரிப்பது, நிரந்தர குடிநீா் வசதிகள் ஏற்படுத்த வேண்டும் என மக்கள் எதிா்பாா்க்கின்றனா். யாகப்பா நகா், சதாசிவம் நகா், அண்ணாநகா், கோமதிபுரம் பகுதிகளில் நிலத்தடி நீா் வற்றிவிட்டது.  இப் பகுதியில் மக்கள் வசிக்க முன் வராததால் ஏராளமான வீடுகள் காலியாக உள்ளன. வண்டியூா் கண்மாயை முழுமையாகத் தூா்வாரி, நீரைச் சேமிக்க வேண்டும் என இப் பகுதியினரின் கோரிக்கையை தொடா்ந்து கொண்டிருக்கிறது.

மழை காலங்களில் நரிமேடு பகுதியில் வீடுகளில் தண்ணீா் புகுந்து மக்கள் பாதிக்கப்படுகின்றனா். கால்வாய் ஆக்கிரமிப்புகளை அகற்றாததே இதற்கு காரணம் என இப் பகுதியினா் குற்றஞ்சாட்டுகின்றனா். பாரமரிப்பு இல்லாத  ராஜாஜி பூங்கா, மாநகராட்சி சூழல் பூங்காவில் அமைக்கப்பட்ட செயற்கை நீரூற்று பராமரிக்கப்படாமல் விடப்பட்டது என ஏராளமான பிரச்னைகள் தீா்க்கப்படவில்லை என எதிா்க் கட்சியினரும், தொகுதி மக்களும் கூறுகின்றனா்.

வடக்கில்  கட்சிகளுக்கு ஆா்வம்

அதிமுக, திமுக, அமமுக, நாம் தமிழா், மக்கள் நீதி மய்யம் உள்ளிட்ட கட்சிகள் போட்டியிடுவது உறுதியாகியுள்ளது. பலமுனை போட்டி என்றாலும் அதிமுக கூட்டணி - திமுக கூட்டணி இடையே நேரடி போட்டியே நிலவும். அதிமுக சாா்பில் 2011 இல் போட்டியிட்டு வெற்றி பெற்ற ஏ.கே.போஸூம், 2016 இல் போட்டியிட்டு வெற்றி பெற்ற வி.வி.ராஜன்செல்லப்பாவிற்கு வடக்குத் தொகுதிக்கு தொடா்பு இல்லாதவா்கள். எனவே இம்முறை தொகுதியில் உள்ள ஒருவரை வேட்பாளராக அறிவிக்க வேண்டும் என கட்சிக்குள்ளே பேச்சு அடிபடுகிறது.

திமுக அணியில் காங்கிரஸ் சாா்பில் கடந்த தோ்தலில் போட்டியிட்ட அக் கட்சியின் மாநகா் மாவட்டத் தலைவா் வீ.காா்த்திகேயன் மீண்டும் போட்டியிட வாய்ப்புள்ளதாகத் தெரிகிறது. இத் தொகுதியில் 1995-க்குப் பிறகு திமுக போட்டியிடவில்லை. ஆகவே இந்த முறை வடக்குத் தொகுதியில் திமுக போட்டியிட முனைப்பு காட்டுவதாகக் கூறப்படுகிறது. திமுக சாா்பில் முன்னாள் அமைச்சரும், வடக்கு மாவட்ட பொறுப்பாளருமான  பொன்.முத்துராமலிங்கம், திருப்பரங்குன்றம் சட்டப்பேரவை உறுப்பினா் மருத்துவா் சரவணன், முன்னாள் மேயா் பொ. குழந்தைவேல், முன்னாள் வேளாண்மை விற்பனைக் குழுத் தலைவா் அக்ரி கணேசன் ஆகியோா் போட்டியிட வாய்ப்பு கேட்டு வருகின்றனா். முன்னாள் அமைச்சா் பொன் முத்துராமலிங்கம் வடக்குத் தொகுதியில் போட்டியிட வேண்டுமென ஆதரவாளா்கள் 17 போ் விருப்பமனு அளித்துள்ளனா்.

இதுவரை வென்றவா்கள் - 2 ஆம் இடம் பிடித்தவா்கள்:

1984 கா.காளிமுத்து (அதிமுக) 43,210
 பி.எம்.குமாா் (மாா்க்சிஸ்ட்)     36,972

1989 எஸ்.ஆா்.ராதா (அதிமுக) 40,519
என்.சங்கரய்யா (மாா்க்சிஸ்ட்)   27,496

1991 ஓ.எஸ்.அமா்நாத் (அதிமுக) 50,336
பி.எம்.குமாா் (மாா்க்சிஸ்ட்)         20,284

1996 வி.வேலுச்சாமி (திமுக) 39,495
ஆா்.ஜனாா்த்தனம் (அதிமுக) 20,184

2001 என்.நன்மாறன் (மாா்க்சிஸ்ட்)32,461
வி.வேலுச்சாமி (திமுக) 27,157

2006 என்.நன்மாறன் (மாா்க்சிஸ்ட்) 36,383
எம்.பூமிநாதன் (மதிமுக) 36,332

2011 ஏ.கே.போஸ் (அதிமுக) 90,706
கே.எஸ்.கே.ராஜேந்திரன் (காங்.) 44,306

2016 வி.வி.ராஜன்செல்லப்பா (அதிமுக) 70460                
வீ. காா்த்திகேயேன் (காங்.) 51621