விஜய் நடிப்பில் உருவாகி வரும் ‘லியோ’ படத்தில் பிரபல நடிகர் இணைந்துள்ளார்.
விக்ரம் படத்தின் வெற்றிக்குப் பிறகு இயக்குநர் லோகேஷ் கனகராஜ் நடிகர் விஜய்யுடன் லியோ படத்தில் இணைந்துள்ளார். இதில் த்ரிஷா, சஞ்சய் தத் உள்ளிட்ட பல பிரபலங்கள் இணைந்துள்ளனர்.
மிஷ்கின், சஞ்சய் தத், கௌதம் மேனன் ஆகியோர் காஷ்மீர் படப்பிடிப்பை முடித்துவிட்டதாக லோகேஷ் சமீபத்தில் கூறியிருந்தார். தற்போது சென்னையில் படப்பிடிப்பு நடந்து வருகிறது.
இதையும் படிக்க: மகன்களைக் கொஞ்சும் நயன்தாரா.. வைரல் புகைப்படங்கள்!
இப்படம் வெளியீட்டிற்கு முன்பே ஓடிடி, இசை உரிமம், விநியோக உரிமம் என ரூ.350 கோடி ரூபாய்க்கு மேல் வருவாய் ஈட்டியுள்ளதாகவும் கூறப்படுகிறது.
இந்நிலையில், சென்னையில் நடைபெற்ற படப்பிடிப்பில் பிரபல பாலிவுட் நடிகர் டென்சில் ஸ்மித் கலந்துகொண்டதாக தகவல் வெளியாகியுள்ளது. பல பாலிவுட் படங்களில் நடித்துள்ள டென்சில் ஸ்மித் கிறிஸ்டோபர் நோலன் இயக்கத்தில் வெளியான ‘டெனட்’ படத்திலும் நடித்திருந்தது குறிப்பிடத்தக்கது.
லியோ படம் இந்தாண்டு அக்டோபர் மாதம் திரைக்கு வருகிறது.