சுதா கொங்கரா இயக்கத்தில் சூர்யா நடிப்பில் 2020ஆம் ஆண்டு நேரடியாக அமேசான் ப்ரைமில் வெளியாகி பெரும் வரவேற்பை பெற்ற படம் சூரரைப் போற்று. இந்த படத்திற்கு தேசிய விருதுகளும் வழங்கப்பட்டது.
தமிழில் பெற்ற வரவேற்பை தொடர்ந்து ஹிந்தி ரீமேக்கை சுதா கொங்கரா இயக்கி வருகிறார். இந்தப் படத்தில் சூர்யா கதாபாத்திரத்தில் அக்ஷய் குமார் நடிக்கிறார். சூர்யா இணை தயாரிப்பாளராக இணைந்துள்ளார்.
இதையும் படிக்க: ‘ஒளியைக் கண்டேன்’- சமந்தாவின் இன்றைய வைரல் பதிவு!
சமீபத்தில் சுதா கொங்கரா முதல்முறையாக சொகுசு காரை வாங்கியிருந்தார். இந்தப் படத்திற்கான இசையை சமீபத்தில் தொடங்கியதாக ஜிவிபிரகாஷும் தெரிவித்திருந்தார்.
இந்நிலையில், இயக்குநர் சுதா கொங்கராவிற்கு படப்பிடிப்பின் போது விபத்து ஏற்பட்டுள்ளது. கையில் காயத்துடன் தனது ட்விட்டர் பக்கத்தில் பதிவிட்டுள்ளார். வலிமிகுந்துள்ளது. இன்னும் ஒரு மாதத்திற்கு படப்பிடிப்பு இல்லை எனவும் பதிவிட்டுள்ளார். இது எனக்கு தேவையற்ற பிரேக் எனவும் பதிவிட்டுள்ளார்.
இதையும் படிக்க: ‘பதான் படத்தின் உண்மையான வசூல் எவ்வளவு?’- ரசிகரின் கேள்விக்கு ஷாருக்கான் சுவாரசிய பதில்!
இந்தப் பதிவிற்கு, “விரைவில் குணமடையுங்கள் சகோதரி” என இசையமைப்பாளர் ஜி.வி.பிரகாஷ் கருத்து தெரிவித்துள்ளார்.