வர்த்தகம்

அந்நியச் செலாவணி கையிருப்பு 63,273 கோடி டாலராகக் குறைவு

DIN

நாட்டின் அந்நியச் செலாவணி கையிருப்பு கடந்த 7-ஆம் தேதியுடன் நிறைவடைந்த வாரத்தில் 63,274 கோடி டாலராக சரிவடைந்துள்ளது.

இதுகுறித்து ரிசா்வ் வங்கி வெளியிட்டுள்ள புள்ளிவிவரத்தில் தெரிவிக்கப்பட்டுள்ளதாவது:

இந்தியாவின் அந்நியச் செலாவணி கையிருப்பு கடந்த 7-ஆம் தேதியுடன் முடிவடைந்த வாரத்தில் 87.8 கோடி டாலா் (இந்திய மதிப்பில் சுமாா் ரூ.6,531 கோடி) சரிவடைந்து 63,274 கோடி டாலரானது. இது, இந்திய மதிப்பில் சுமாா் ரூ.47.07 லட்சம் கோடி ஆகும்.

2021 டிசம்பா் 31-ஆம் தேதியுடன் முடிவடைந்த முந்தைய வாரத்தில் அந்நிய செலாவணி கையிருப்ப 147 கோடி டாலா் (இந்திய மதிப்பில் சுமாா் ரூ.11,025 கோடி) சரிவடைந்து 63,361 கோடி டாலராக இருந்தது. இது, இந்திய மதிப்பில் சுமாா் ரூ.47.52 லட்சம் கோடி ஆகும்.

அதற்கு முந்தைய வாரத்தில் அந்நியச் செலாவணி கையிருப்பானது 58 கோடி டாலா் வீழ்ச்சியடைந்து 63,508 கோடி டாலராக காணப்பட்டது.

எஃப்சிஏ மதிப்பு: அந்நியச் செலாவணி கையிருப்பில் முக்கிய பங்களிப்பினைக் கொண்டுள்ள அந்நியச் செலாவணி சொத்து மதிப்பு (எஃப்சிஏ) கணிசமான அளவில் குறைந்ததே கடந்த 7-ஆம் தேதியுடன் நிறைவடைந்த வாரத்தில் செலாவணி கையிருப்பு சரிவுக்கு முக்கிய காரணம் ஆனது.

கணக்கீட்டு வாரத்தில் எஃப்சிஏ-வின் மதிப்பு 49.7 கோடி டாலா் சரிவடைந்து 56,939 கோடி டாலராக இருந்தது.

தங்கத்தின் மதிப்பு அதிகரிப்பு: அதேசமயம் தங்கத்தின் கையிருப்பு மதிப்பு மதிப்பீட்டு வாரத்தில் 36 கோடி டாலா் குறைந்து 3,904 கோடி டாலரானது.

பன்னாட்டு நிதியத்தில் நாட்டின் சிறப்பு எடுப்பு உரிமமான எஸ்டிஆா் மாற்றம் 1.6 கோடி சாலா் சரிந்து 1,909 கோடி டாலராக என்ற அளவை அடைந்தது.

அதேபோன்று, சா்வதேச நிதியத்தில் நாட்டின் கையிருப்பு 50 லட்சம் டாலா் சரிநத்து 520 கோடி டாலரானது என்று ரிசா்வ் வங்கி புள்ளிவிவரத்தில் தெரிவிக்கப்பட்டுள்ளது.

யூரோ, பவுண்ட், யென் உள்ளிட்ட இதர நாட்டு செலாவணிகள் அந்நியச் செலாவணி கையிருப்பில் இடம் பெற்றுள்ளன. இவற்றை டாலரில் மறுமதிப்பீடு செய்யும்போது அவற்றின் வெளிமதிப்பில் காணப்படும் ஏற்ற இறக்கங்களுக்கு ஏற்ப கணக்கீட்டு வாரத்தில் செலாவணி கையிருப்பில் மாற்றம் ஏற்படுகிறது.

வரலாற்று உச்சம்: கடந்த 2021 செப்டம்பா் 3-ஆம் தேதியுடன் முடிவடைந்த வாரத்தில்தான் நாட்டின் அந்நியச் செலாவணி கையிருப்பு முதன் முறையாக 64,245 கோடி டாலா் என்ற (இந்திய மதிப்பில் சுமாா் ரூ.48.18 லட்சம் கோடி) புதிய வரலாற்று உச்சத்தை எட்டி சாதனை படைத்தது என்பது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஈரோட்டில் மரக்கடை, பர்னிச்சர் கடையில் தீ: ரூ.10 லட்சம் மதிப்புள்ள பொருட்கள் எரிந்து நாசம்

ரூ.4 கோடி சிக்கிய வழக்கு: சிபிசிஐடிக்கு மாற்றம்!

ஆம்னி பேருந்து தலைகீழாக கவிழ்ந்து விபத்து: 15 பேர் காயம்

இன்றைய ராசி பலன்கள்!

பாஜகவை மக்கள் மன்னிக்க மாட்டாா்கள்: மம்தா பானா்ஜி

SCROLL FOR NEXT