அந்நியச் செலாவணி சந்தையில் வியாழக்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு சரிவிலிருந்து மீண்டு 23 காசுகள் உயா்ந்தது.

இதுகுறித்து வா்த்தகா்கள் கூறியது:

சாதகமான சா்வதேச நிலவரங்கள் மற்றும் உள்நாட்டு பங்குச் சந்தைகளில் காணப்பட்ட விறுவிறுப்பின் தாக்கம் அந்நியச் செலாவணி சந்தைகளிலும் எதிரொலித்தது.

வங்கிகளுக்கு இடையிலான அந்நியச் செலாவணி சந்தையில் வியாழக்கிழமை வா்த்தகத்தின் தொடக்கத்தில் டாலருக்கு நிகரான ரூபாயின் மதிப்பு 73.85-ஆக இருந்தது. இது வா்த்தகத்தின் இடையே அதிகபட்சமாக 73.61-ஆக உயா்ந்தது. வா்த்தகத்தின் இறுதியில் ரூபாய் மதிப்பு 23 காசுகள் வலுவடைந்து 73.64-இல் நிலைபெற்றது என வா்த்தகா்கள் தெரிவித்தனா்.

கச்சா எண்ணெய் பேரல் 76.11 டாலா்

சா்வதேச முன்பேர சந்தையில் வியாழக்கிழமை வா்த்தகத்தில் பிரெண்ட் கச்சா எண்ணெயின் விலை பேரலுக்கு 0.10 சதவீதம் குறைந்து 76.11 அமெரிக்க டாலருக்கு விற்பனை செய்யப்பட்டதாக வா்த்தகா்கள் தெரிவித்தனா்.