வங்கி சாரா நிதி நிறுவனமான சுந்தரம் ஃபைனான்ஸின் துணை நிறுவனமான சுந்தரம் ஹோம் ஹோம் ஃபைனான்ஸ் ஜூன் 30-ஆம் தேதியுடன் முடிவடைந்த காலாண்டில் ரூ.40.04 கோடி நிகர லாபத்தை பதிவு செய்துள்ளது.

இதுகுறித்து சுந்தரம் ஹோம் ஃபைனான்ஸ் வெளியிட்ட அறிக்கையில் தெரிவித்துள்ளதாவது:

2021 ஏப்ரல்-ஜூன் காலாண்டில் நிறுவனம் செயல்பாடுகள் மூலம் ரூ.40.04 கோடி நிகர லாபத்தை ஈட்டியுள்ளது. இது, கடந்தாண்டின் இதே காலகட்டத்தில் ரூ.33.94 கோடியாக காணப்பட்டது.

கணக்கீட்டு காலாண்டில் நிறுவனம் வழங்கிய கடன்களின் மதிப்பு ரூ.99.98 கோடியிலிருந்து ரூ.249.27 கோடியாக அதிகரித்துள்ளது.

வளா்ச்சி திட்டங்களுக்காக நடப்பாண்டில் ரூ.2,500 கோடியை திரட்ட நிறுவனம் திட்டமிட்டுள்ளது. கடன்பத்திரம் மற்றும் வங்கி நிதி உதவி மூலமாக இந்த கடன் திரட்டப்படும் என சுந்தரம் ஹோம் ஃபைனான்ஸ் தெரிவித்துள்ளது.