பஜாஜ் ஆட்டோ நிறுவனத்தின் டிசம்பா் காலாண்டு லாபம் 23 சதவீதம் அதிகரித்துள்ளது.
இதுகுறித்து அந்த நிறுவனம் வெளியிட்டுள்ள அறிக்கையில் தெரிவித்துள்ளதாவது:
நடப்பு 2020-21-ஆம் நிதியாண்டின் மூன்றாவது காலாண்டில் (அக்டோபா்-டிசம்பா்) நிறுவனத்தின் விற்பனை ரூ.8,910 கோடியாக இருந்தது. இது, முந்தைய 2019-20-ஆம் நிதியாண்டின் இதே காலகட்டத்தில் நிறுவனத்தின் விற்பனையான ரூ.7,640 கோடியுடன் ஒப்பிடுகையில் 17 சதவீதம் அதிகமாகும். நிகர லாபம் ரூ.1,262 கோடியிலிருந்து 23 சதவீதம் அதிகரித்து ரூ.1,556 கோடியை எட்டியது என பஜாஜ் ஆட்டோ தெரிவித்துள்ளது.