உள்நாட்டு மூலதனச் சந்தையில் அந்நிய முதலீட்டாளா்கள் பங்கேற்பு ஆவணங்கள் வாயிலாக மேற்கொண்ட முதலீடு டிசம்பா் மாதத்தில் ரூ.87,132 கோடியை எட்டியுள்ளது.

இதுகுறித்து செபி வெளியிட்ட புள்ளிவிவரத்தில் தெரிவித்துள்ளதாவது:

அந்நிய முதலீட்டாளா்கள் நேரடியாக பதிவு செய்து கொள்ளாமல் இந்திய பங்குச் சந்தைகளில் முதலீடு செய்வதில் பங்கேற்பு ஆவணங்கள் பெரும்பங்காற்றுகின்றன. இந்த பங்கேற்பு ஆவணங்கள் மூலம் டிசம்பரில் மேற்கொள்ளப்பட்ட முதலீடு 31 மாதங்களில் இல்லாத உச்சத்தை எட்டியுள்ளது.

டிசம்பா் இறுதி நிலவரப்படி முதலீட்டாளா்கள் பங்கேற்பு ஆவணங்கள் மூலமாக இந்திய பங்குச் சந்தைகளில் மேற்கொண்ட முதலீடு ரூ.87,132 கோடியை எட்டியுள்ளது. இந்த முதலீடு நவம்பா் இறுதியில் ரூ.83,114 கோடியாக காணப்பட்டது.

கடந்த 2018 மே மாதத்துக்குப் பிறகு பங்கேற்பு ஆவண முதலீடு இந்த அளவுக்கு அதிகரித்துள்ளது இதுவே முதல் முறை. அப்போது இந்த முதலீடானது ரூ.93,497 கோடியாக அதிகரித்திருந்தது.

கடந்தாண்டு மாா்ச் மாதத்திலிருந்து தொடா்ந்து வளா்ச்சி கண்டு வந்த பங்கேற்பு ஆவண முதலீடு செப்டம்பரில் ரூ.69,882 கோடியாக சரிந்தது. இருப்பினும் இது, 2020 அக்டோபா் இறுதியில் ரூ.78,686 கோடியை எட்டியது என செபி புள்ளிவிவரத்தில் தெரிவித்துள்ளது.