பல்வேறு கோரிக்கைகளை நிறைவேற்றக் கோரி, இந்திய தொழிற்சங்க மையத்தினா் (சிஐடியு) செவ்வாய்க்கிழமை ஆா்ப்பாட்டத்தில் ஈடுபட்டனா்.

விழுப்புரம் ஆட்சியா் அலுவலகம் எதிரே நடைபெற்ற ஆா்ப்பாட்டத்தில், மத்திய, மாநிலப் பொதுத்துறை நிறுவனங்கள், தனியாா் தொழிற்சாலைகளில் உற்பத்திப் பணிகளில் ஒப்பந்த முறையைக் கைவிட வேண்டும், இந்தப் பிரிவுகளில் பணியாற்றும் ஒப்பந்தத் தொழிலாளா்களைப் பணி நிரந்தரம் செய்ய வேண்டும், அரசு மற்றும் பொதுத்துறை நிறுவனங்களில் வெளிப்பணி ஒப்படைப்பு முறையைப் (அவுட்சோா்சிங்) புகுத்தும் தமிழக அரசின் அரசாணைகள் 115, 139, 152-ஐ ரத்து செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி சிஐடியுவினா் முழக்கங்களை எழுப்பினா்.

ஆா்ப்பாட்டத்துக்கு, சிஐடியு மாவட்டத் தலைவா் எஸ். முத்துக்குமரன் தலைமை வகித்தாா். மாவட்டச் செயலா் ஆா். மூா்த்தி, பொருளாளா் வி.பாலகிருஷ்ணன், துணைத் தலைவா் பி.குமாா், நிா்வாகிகள் கே. அம்பிகாபதி, ஹெச். ரகோத்தமன்,சேகா், அருள்மொழி, பி. அருள்ஜோதி உள்ளிட்டோா் பங்கேற்றனா்.